El "pixapu" ye'l nome xeneral pol que se conoz a un greyu pergrande de pexes, los "Gobiidae", que tien alredor de 2000 especies conocíes y ta espardíu per tol mundu. Davezu nun son pexes d'un tamañu importante, sacante los del xéneru "Gobioides" qu'algamen los 30 centímetros de llonxitú. Magar que nun s'empleguen muncho na cocina, son un pegoyu nel bon desenrollu la pesca, al ser un cebu curiosu pa otros pexes (bacaláu, abadexu, llinguáu...).
Los pixapos habiten n'agües poco fondes, onde hebia yerbes marines. Tamién se los pue atopar pela llamarga na baxamar, nes ríes y nos furacos les roques.
El más espardíu peles costes cantábriques - y, per ende, al que propiamente se-y llama "pixapu" nel dominiu llingüísticu astur - ye'l "Gobius niger", pexe que, como'l so nome científicu amuesa, ye de color prieto. En Galicia y Portugal alcuéntrase más el "Gobius paganellus", que nun s'estrema enforma del pixapu cantábricu, sacante na color (castaño).
Enllaces esternos Base de datos de pexes (n'inglés) Institutu pal Estudiu d'esta familia pexes (n'inglés) Campaña de la Xunta pola Defensa la Llingua Asturiana pa caltener los nomes asturianos de los pexes
Referencies
Enllaces esternos
Categoría:Pexes Categoría:Wikipedia:Correxir/Revisar títulu