NGC 4414 ye una galaxa espiral que s'atopa a 62 millones d'años lluz (19,1 megaparsecs) de distancia na constelación de Coma Berenices. El so diámetru ópticu ye d'aproximadamente 56.000 años lluz. De magnitú aparente 11,0, la so rellumu superficial ye 13,0 mag/arcsec2. Ye un miembru del grupu de galaxes Coma I, bien cercanu al Cúmulu de Virgu.
Observación
Imáxenes combinaes del telescopiu espacial Hubble dexen reparar l'aspeutu algodonoso y formoso de la galaxa. Les rexones centrales de la galaxa, como asocede típicamente na mayoría de les espirales, contienen principalmente estrelles vieyes, marielles y coloraes. Los brazos espirales esteriores son más azulaos, por cuenta de la continua formación de nueves estrelles azules, les más brilloses d'elles visibles individualmente col alta resolución de la cámara del Hubble y ente les cualos háyase lo que paez ser una variable lluminosa azul con una magnitú absoluta a la que se topa ta galaxa de -10The Discovery of a Possible Luminous Blue Variable in NGC 4414 que sufrió una erupción qu'aumentó'l so rellumu. Los brazos son tamién bien ricos en nubes de polvu interestelar, qu'apaecen como manches y estríes escures que destaquen frente a la lluz estelar.
NGC 4414 ye un exemplu típicu de galaxa espiral floculenta, na que la estructura espiral ta compuesta por ensame de segmentos de brazos espirales (cómo asocede en, por casu, la galaxa M63),Notes for NGC 4414 (NED) y ye tamién bien notable por tar bastante aisllada nel espaciu, ensin sufrir interacciones recién con otra galaxa.The anatomy of an isolated spiral galaxy: NGC 4414. Amás, anque nun sía una galaxa de biltu estelar nin signos de que lo fuera, amuesa una elevada densidá de gas per unidá de superficie y por tanto ye bien rica en gas (tantu hidróxenu neutro cómo hidróxenu molecular), con una distribución del primeru que cómo ye habitual en galaxes espirales de tipu tardíu aisllaes ocupa un área enforma mayor que l'área visible nel ópticu de la galaxa.NGC 4414: A flocculent galaxy with a high gas surface densityThe HI properties of galaxes in the Coma I cloud revisited
NGC 4414 foi fotografiada pol telescopiu espacial Hubble como parte del llamáu Key Project sobre la escala de distancies extragalácticas. La determinación precisa de la distancia d'esta galaxa, xunto con midíes similares de distancia a otres galaxes cercanes, contribúi a la conocencia xeneral de los astrónomos sobre la velocidá d'espansión del universu y sobre la edá del mesmu.Más detalles sobre la galaxa NGC 4414 en Hubblesite (n'inglés))
Ver tamién Llista de galaxes Llista d'oxetos NGC Coma I
Enllaces esternos Catálogu SEDS sos_brazos_polvorientos.htm NGC 4414 y los sos brazos polvorientos en Astroseti.org
Referencies
Categoría:Constelación de Coma Berenices Categoría:Galaxes espirales 4414