La nebulosa Omega (tamién conocida como la nebulosa del Cisne, la nebulosa del Calzador, la nebulosa de la Llagosta, M17 y NGC 6618) ye una rexón HII na constelación de Saxitariu. Afayóse por Philippe Loys de Chéseaux en 1745 y Charles Messier catalogóla en 1764.
La nebulosa Omega alcuéntrase a una distancia ente 5000 y 6000 años lluz, y tien un tamañu d'unos 15 años lluz de diámetru, tando acomuñada a una nube molecular d'unos 40 años lluz de diámetru y una masa de 30000 mases solares. La masa total de la nebulosa Omega calcúlase nunes 800 mases solares y ye una de les rexones HII más brilloses y masives de nuesa galaxa; si nun apaez más impresionante ye por vese práuticamente "de cantu".
Esiste un cúmulu (NGC 6618) na nebulosa, que contién nel so centru dos estrelles de tipu espectral O4V, y amás dos estrelles de tipu O5V, y 100 estrelles de tipu espectral más tempranu que'l B9. Ye la radiación d'eses estrelles nuevu y caliente —sobre manera la de los dos O4V— la qu'escita y fai rellumar los gases de la nebulosa; estudios recién amuesen qu'ésti ye ún de los cúmulos más nuevos conocíos, con una edá que nun llega nin al millón d'años y que la nebulosa de xuru alluga ente 8000 y 10000 estrelles que nacieron nella, 1/3 d'elles nel cúmulu NGC 6618.
Al sureste de la nebulosa pueden atopase tamién les estrelles hiperxigantes HD 168607 y HD 168625.
Ver tamién Nebulosa Trífida Nebulosa de l'Águila
Referencies
Enllaces esternos
M17: Nebulosa Omega, Fábrica d'Estrelles Messier 17, SEDS (n'inglés) Messier 17 Imáxenes d'aficionáu por '' Waid Observatory '' Datos básicos de M17, bibliografía y otros na base de datos SIMBAD (n'Inglés) THE YOUNG MASSIVE STELLAR OBJECTS OF M17 (n'inglés. Archivu PDF) The young stellar population in M17 revealed by Chandra (n'inglés. Archivu PDF) The Extended Environment of M17: A Star Formation History Eagle and Omega | Galaxy Map
Categoría:Rexones H II Categoría:Oxetos Messier 6618 Categoría:Constelación de Saxitariu Categoría:Oxetos Sharpless Categoría:Oxetos astronómicos descubiertos nos años 1740 Categoría:1745 Categoría:Wikipedia:Revisar traducción