NGC 6818 ye una nebulosa planetaria na constelación de Saxitariu de 48 arcsec de diámetru, asitiada a unos 10º del cúmulu globular M75. Alcuéntrase a unos 6000 años lluz de distancia de la Tierra. Afayóse'l 8 d'agostu de 1787 por William Herschel.
Imáxenes llograes col Telescopiu Espacial Hubble amuesen una cubierta esterior de forma aproximadamente esférica y una burbuya interior de forma ovalada. Los astrónomos piensen qu'un fuerte vientu estelar proveniente de la estrella central ta creando la forma interior allargada, que de fechu ta "escapando" polos dos estremos de la exa mayor (na figura, embaxo derecha y enriba esquierda).Hubble Captures the Shrouds of Dying Stars. Hubblesite
La estrella central, de magnitú aparente 16,1, podría ser una estrella asemeyada al Sol, siquier tocantes a la so composición química. Sacante carbonu y nitróxenu, más abondosos que nel Sol, el restu de los elementos químicos presenten aproximadamente la mesma proporción qu'en la nuesa estrella. Piénsase que la estrella central tien carauterístiques similares a les d'una estrella de Wolf-Rayet con una temperatura efectivo de siquier 140.000 K.
NGC 6818 ye casi ximielga a NGC 3918, nebulosa planetaria tamién con dos estructures visibles, una interior allargada y una esterior cuasi-esférica.
Ver tamién Llista de nebuloses planetaries Llista d'oxetos NGC
Enllaces esternos Catálogu SEDS
Referencies
Categoría:Nebuloses planetaries 6818 Categoría:Constelación de Saxitariu Categoría:Oxetos astronómicos descubiertos nos años 1780 Categoría:Oxetos astronómicos descubiertos en 1787