NGC 1569 ye una galaxa irregular na constelación de la Xirafa visible con telescopios d'aficionáu a una distancia que orixinalmente pensábase yera de 2,4 megaparsecs (7,8 millones d'años lluz) pero qu'estudios fechos en 2008 con ayuda del Telescopiu Espacial Hubble, capaz de resolver con relativa facilidá les sos estrelles más brilloses, amuesen que ye mayor, de 3,36 megaparsecs (10,96 millones d'años lluz), lo que la convierte en miembru del grupu IC 342.
Propiedaes físiques
NGC 1569 ye una galaxa pequeño y compacto, menor que la Pequeña Nube de Magallanes pero más lluminosa qu'ésta y la Gran Nube de Magallanes.
Biltu estelar
right|thumb|Centro de NGC 1569 reparáu pol Telescopiu Espacial Hubble. Nótense a la izquierda del centru los dos super cúmulos estelares mentaos nel artículu.
La traza más notable de NGC 1569 ye ser una galaxa con biltu estelar que tuvo formando estrelles a un ritmu 100 vegaes cimera al de nuesa galaxa dende hai 100 millones d'años,Hubble Resolves Puzzle about Loner Starburst Galaxy Newswise, Retrieved on November 17, 2008. destacando sobre manera dos masivos super cúmulos estelares, NGC 1569 A y NGC 1569 B, cada unu con mases similares a los de los cúmulos globulares de la Vía Lláctea, del orde de (6-7) × 10⁵ mases solares que tuvieron esperimentando formación estelar en diversos episodios.
NGC 1569 A, asitiáu na zona noroeste de NGC 1569, ta en realidá formáu por dos cúmulos menores: NGC 1569 A1 -que tien estrelles más nueves (de menos de 5 millones d'años d'edá) incluyendo dalgunes estrelles Wolf-Rayet-, y NGC 1569 A2, más vieyu y que cunta con delles estrelles superxigantes coloraes.
NGC 1569 B, pela so parte, tópase cerca del centru de la galaxa y tien una población estelar más vieya (10-20 millones d'años según diversos autores) qu'inclúi ciertu númberu d'estrelles superxigantes coloraes.
Hai tamién amás d'ésos dos super cúmulos estelares una gran cantidá de cúmulos estelares relativamente nuevos (ente 2 y 1000 millones d'años d'edá) y tamién abondo masivos en dellos casos, con mases comparables a los d'un cúmulu globular pequeñu o a la de R136 na Gran Nube de Magallanes.
Les supernoves producíes en dichos cúmulos estelares y los vientos estelares de les sos estrelles espulsaron gas de la so vecindá, formando filamentos y burbuyes de gas ionizado d'hasta 3,700 años lluz de llargu y 380 años lluz de diámetru respeutivamente, que rellumen con lluz acoloratao ionizados poles estrelles nueves asitiaes dientro d'elles y que son bien conspicuos en fotografíes tomaes con telescopios grandes.
Piénsase qu'interacciones con otres galaxes del grupu IC 342sobremanera colo que paez una nube d'hidróxenu neutro, son les que provocaron ésta intensa actividá de formación d'estrelles. Estudios más recién suxeren interacciones tamién coles galaxes IC 342 y UGCA 92 (ver embaxo), na forma de filamentos de gas que xunen NGC 1569 con elles; sicasí, nun ta claru si tales estructures tán acomuñaes con éses galaxes o en realidá cola nuesa, tando muncho más cerca y nun teniendo nada que ver con elles.
Redolada
NGC 1569 tien cerca una galaxa nana irregular, la UGCA 92, qu'anque se considere dacuando compañera so nun ta bien claru si ye o non responsable del fuerte biltu estelar que ta esperimentando.
Referencies
Categoría:Galaxes Categoría:Galaxes irregulares Categoría:Constelación de Camelopardalis Categoría:Oxetos NGC