NGC 7727 ye una galaxa asitiada na constelación d'Acuariu a una distancia de 23,3 megaparsecs (76 millones d'años lluz) de la Vía Lláctea que pue vese con telescopio d'aficionáu
Trátase d'una galaxa peculiar qu'apaez nel Atles de galaxes peculiares de Halton C. Arp cómo Arp 222 y la considerancia de galaxa con brazos espirales amorfos, y con toa probabilidá ye la resultancia del choque y posterior fusión de dos galaxes espirales previes que tuvo llugar fai mil millones d'años, pudiéndose apreciar nel so centru dos puntos de lluz brillosu, siquier unu de los cualos ye'l d'una de les dos galaxes previes que topetaron pa dar llugar a ésti oxetu.Notes for Object NGC 7727 (NED)
Ésa zona central ta arrodiada por plumes y corrientes d'estrelles resto tamién de les galaxes que topetaron, amás d'esistir un total de 23 oxetos candidatos a cúmulos globulares mozos nacíos nel choque que dio llugar a NGC 7727.
NGC 7727 ye considerada bien similar a NGC 7252, otra galaxa que tamién se piensa ye la resultancia del choque y fusión de dos galaxes previes asitiaes na mesma constelación; sicasí contién abondo menos gas (hidróxenu neutro y hidróxenu molecular) qu'ésta
El destín últimu d'ésti sistema con toa probabilidá ye acabar convertíu nuna galaxa elíptica, con apenes polvu interestelar y formación estelar.NGC 7727 - Clash of the Titans
Referencies
Categoría:Constelación d'Acuariu Categoría:Galaxes Categoría:Oxetos NGC