Giannantonio de' Pandoni, llamáu il Porcellio (Nápoles, enantes de 1409 – Roma, dempués de 1485), foi un humanista y escritor italianu.

Les primeres noticies sos que se tienen asitiar como enseñante nel Estudiu de Roma (esto ye, la universidá). En 1434 tomó parte na sulevación qu'espulsó al papa Eugenio IV de Roma y participó nuna misión al Conceyu de Basilea, pero restauráu pocu dempués el dominiu pontificiu, foi encarceláu mientres diez años.

Tres la so lliberación, foi analayando de corte en corte, escribiendo poemillas adulatorios en llatín y obres históriques pa engraciarse colos varios señores italianos: foi a Nápoles, onde realizó delles misiones diplomátiques, y en 1452 foi gallardoniáu poeta pol emperador Federico III d'Habsburgu, más tarde tuvo en Rimini (1456), a Milán (1456-1459), de nuevu en Nápoles y finalmente vuelve a Roma como profesor de la Universidá de La Sapienza. Morrió en Roma en dalgún momentu posterior a 1485.

Sodomita A pesar de que taba casáu y tuvo a lo menos un fíu, il Porcellio tuvo mientres tola so vida fama de sodomita. El testimoniu más clamorosu de tal fama ye póstuma: la novela (I, 6) que Matteo Bandello publicó en 1554, pero que ta ambientada nel periodu en que Porcellio vivía en Milán so proteición del duque Francesco Sforza.

Nel recuentu, Porcellio cásase yá mayor, venciendo a la insistencia del duque, que quier distrayelo de los rapazos. Un día enferma, y la muyer, creyéndolo (equivocadamente) a puertes de la muerte, llapada a un confesor. Cuando'l flaire sale, ella verifica si l'home confesó'l pecáu de sodomía, cosa que nun fixo. Dos veces, a pesar de les sos duldes, el flaire vuelve preguntar si pecara contra natura, llogrando una negativa. Finalmente, yá que la muyer aportuna, el flaire pregunta direutamente:

Amás d'esti testimoniu póstumu, esisten otros contemporáneos sobre la fama de Porcellio: por casu el poeta Francesco Filelfo, qu'agospiara en Milán a Porcellio, xunto al fíu y dos mochachos colos que viaxaba, dempués d'aldericar con él, atacó-y nel so De jocis et seriis (1458-1465), un aserie de venenosos epigrames llatinos, llamándolo «Porcellus Porcellius» y acusándolo amás de sodomita nuna epístola llatina.Vedili en: Carlo de' Rosmini, Vita di Francesco Filelfo da Tolentino, Mussi, Milano, 1808, vol. 3, páxs. 161-163.Otres menciones a la sodomía de Porcellio nes páxines 32-34 y 44. Les alusiones a la epístola llatina na páxina 204. Asina, nel «Eulogium in Porcellium Porcellum Grammaticum», que ye un epitafiu falsu, Filelfo diz-y:

N'otra composición, Filelfo afirma que la so fama de sodomita ye tal, que ye conocida en toa Lombardía, y esto a pesar de la so avanzada edá.

Esta reputación ye confirmada por un estudiante, un tal «Pierangelo sicilianu», qu'escribió ente 1470 y 1480, llamentándose de la perversión de los estudiantes romanos (qu'ente otres culpes, teníen, a la so dicir, la de la práutica de la homosexualidá). Llamenta que los estudiantes dibuxara falos, escribiendo obscenidades nel respaldu de la siella del profesor, incluyendo la frase en llatín:

Tocantes a los escritos del mesmu Pandoni, na so poesía llatina, lléese una pa «Petruccio»,Giannantonio de' Pandoni, llamáu "il Porcellio", "In Petrutium adolescentem ut operam versibus daret", en: Carmina illustrium poetarum italorum, Tartini y Franchi, Florentiae 1719-1726, 11 voll., vol. 7, p. 506. que fuxe del poeta y refuga les sos poesíes d'amor. Sicasí, Porcellio argumenta, la poesía foi amada por Apolo, Ganímedes, Files, les muses, Xúpiter; polo que conclúi que si quier ser incluyíu ente los sabios, tien d'amar la poesía (implicando: «y les mios meyores»). Les aludiones a Ganímedes (amante de Xúpiter) y Files (amante de Hércules), revela nestos versos explícitamente l'interés homoeróticu del autor.

Referencies

Bibliografía Luigi Correra, Un umanista dimenticato: Porcellio Romano, Bona, s.l. ma Torino 1885. Ugo Frittelli, Giannantonio de' Pandoni detto "il Porcellio", Paravia, Firenze 1900.

Enllaces esternos Porcellio en giovannidallorto.com

Categoría:Humanistes d'Italia Categoría:Escritores n'italianu Categoría:Escritores en llatín Categoría:Persones de Nápoles Categoría:Wikipedia:Mantenimientu:Persones ensin plantía NF Categoría:Wikipedia:Mantenimientu:Persones ensin plantía nym