Johannes Meursius (van Meurs) (9 de febreru, 1579 – 20 de setiembre 1639), humanista especializáu nes llingües clásiques y anticuariu, nacíu en Loosduinen, Holanda cerca de L'Haya. Desaxeradamente precoz, a la edá de 16 años produxera un comentariu de la Cassandra de Licofrón. En 1610 foi nomáu profesor de griegu y hestoria en Leiden, y al añu siguiente, historiógrafu pa los estaos xenerales. Por cuenta de l'aturbolinada situación nel so país, aceptó la ufierta (1625) de Cristián IV de Dinamarca de convertise en profesor d'historia y política en Sorb, en Zealand, amás del oficiu d'historiógrafu real. Morrió en Sorb el 10 de setiembre de 1639.
Meursius foi l'autor d'ediciones clásiques y trataos, munchos de los cualos fueron impresos nel Thesaurus antiquitatum graecarum de Johann Friedrich Gronovius. La so falta d'orde restába-yos valor, pero yeren un almacén d'información, y Meursius nun merecía los epítetos de "cascante" y "ignoramus" que Joseph Justus Scaliger dedicólu. Meursius tamién escribió sobre la problemática nos Países Baxos y la hestoria de Dinamarca.
Referencies
Bibliografía Edición completa de los sos trabayos por J. Lami (1741-1763). Biographisch Woordenboek der Nederlanden, Van der Aa (1869). Hist. of Class. Scholarship, J. Y. Sandys (1908), ii. 311.
Categoría:Escritores en llatín Categoría:Persones de L'Haya Categoría:Wikipedia:Mantenimientu:Persones ensin plantía nym