Saxo Grammaticus o Saxón Gramáticu foi un cronista, historiador y teólogu danés de la Edá Media. Conozse bien pocu de la so vida personal. Atribúyense-y los dieciséis llibros de la historia danesa de la so dómina, la Gesta Danorum.
Nel prefaciu de la Gesta Danorum rellata que'l so padre y güelu sirvieron como guerreros sol rei Valdemar I de Dinamarca, y qu'él mesmu sirviría a Valdemar II de Dinamarca, d'una manera más espiritual.
Créese que nació en Selandia, según citen fontes posteriores.John Lemprière, Eleazar Lord, Lempriere's Universal Biography: Containing a Critical and Historical Account of the Lives, Characters, and Labours of Eminent Persons, in All Ages and Countries, Vol. 2, R. Lockwood, 1825, p. 600. El so elegante llatín y les sos conocencies sobre l'antigua Roma, presentes na Gesta Danorum, faen suponer que recibió la so educación fuera de Dinamarca, quiciabes en dalguna de les grandes escueles eclesiástiques de Francia.Davidson, Hilda Ellis. Introducción a Saxo Grammaticus La historia de los daneses, llibru I-IX. Volume II: Comentariu. Editáu por Hilda Ellis Davidson. Cambridge: DS Brewer, 1980. Sirvió como sacerdote na catedral de Rothschild.Richard Alfred Davenport, A Dictionary of Biography: Comprising the Most Eminent Characters of All Ages, Nations and Professions, Thomas Tegg, 1831, p. 502.
Saxo Grammaticus nun foi'l so nome real, sinón que recibió l'apellativu Grammaticus, términu llatín pa un maestru de lletres, nel Compendium Saxonis de la Chronica Jutensis, escontra 1342.
Probablemente foi la so versión de la saga del príncipe danés Amled la qu'inspiró a Shakespeare la so Hamlet.
Referencies
Enllaces esternos
Saxo Grammaticus Danmarks krønike de «Kulturformidlingen norrøne tekster og kvad» (en noruegu) Saxo Grammaticus y la Gesta Danorum en Project Runeberg (n'inglés) Los llibros I-IX de la Gesta Danorum en Sacred-Texts.com (n'inglés) Los llibros I-XVI de la Gesta Danorum na Biblioteca Real de Dinamarca "Saxo Grammaticus and the Balts" de Tomes Baranauskas en Medieval Lithuania (n'inglés)
Categoría:Cronistes medievales Categoría:Historiadores medievales Categoría:Historiadores de Dinamarca Categoría:Escritores en llatín