L'Estatutu d'Autonomía d'Asturies, artículu 3.1, establez que la bandera del Principáu d'Asturies ye la tradicional, rectangular cola Cruz de la Victoria n'amariellu sobre fondu azul. De los brazos de la Cruz cuelguen les lletres griegues alfa mayúscula y omega minúscula. La denomación d'Asturina foi introducida pol coleutivu Conceyu Bable, anque anguaño ye únicamente emplegada por delles organizaciones minoritaries de calter políticu y social normalmente arreyaes al asturianismu políticu. D'otra banda, a principios de sieglu XX, Padre Galo da'l nome d'Azuleste a la bandera asturiana.La nación asturiana, Espublizastur (2007).. Blanco, C.X.Historia de la Lliteratura Asturiana. Miguel Ramos Corrada.
Esisten delles versiones de la bandera; la oficial, que ye la versión pa ser usada en mástil, la Cruz de la Victoria ta a una distancia de la vaina de mediu anchor de la bandera. Na versión pa usu desemeyáu de mástil, la Cruz allúgase nel centru.
L'orixe de la bandera remana de la dómina de la invasión napoleónica, cuando la Xunta Xeneral del Principáu d'Asturies declárase soberana y crea un exércitu para rebater a los invasores. Na so primera versión la bandera incluyía'l rezu Asturies enxamás vencida.
Na Llei 4/1990, de 19 d'avientu desarróllase la llexislación relativa al usu de la bandera, así como les sos dimensiones oficiales, llugar de colocación en ceremonies públiques, colores, etc.
thumb|Bandera d'Asturies pa usu n'interior.
thumb|La variante de gala de la bandera d'Asturies
Otres banderes
Ver tamién Asturina (Bandera nacionaliega asturiana) Banderes d'Asturies
Referencies
Enllaces esternos
Ley 4/1990, de 19 d'avientu, de la Bandera del Principáu d'Asturies Resume d'especificaciones téuniques de la bandera d'Asturies, SEV
Asturies Categoría:Historia contemporánea d'Asturies Categoría:Símbolos d'Asturies