Harpagophytum procumbens ye una especie de planta yerbácea de la familia de les pedaliacees natural del sur d'África. Vulgarmente conózse-y como harpagófito (planta con gaxartes en griegu) o "garra del diañu" por cuenta de la morfoloxía de los sos frutos, unes cáusules maderices recubiertes d'escayos ganchudos y aceraes. thumb|Frutos. thumb|Harpagophytum procumbens - MHNT thumb|Ilustración del so frutu.
Distribución La planta crez principalmente en sustratu arenosu. Les dos subespecies reconocíes pa la planta tienen árees de distribución que nun s'asolapen y alternen colos trés subespecies de Harpagophytum zeyheri. Asina Harpagophytum procumbens sbsp procumbens ocupa amblias rexones de Botsuana, Namibia y la provincia de Northern Cape de Sudáfrica. Pela so parte Harpagophytum procumbens sbsp transvaalensis ta presente na provincia sudafricana de Limpopo y la zona axacente a la frontera ente Botsuana y Zimbabue.
Descripción Ye una planta xerófita. El so balto ye de porte postráu y ta formáu por dellos tarmos d'hasta 1'5 metros de llargor y un rizoma bien estensu con tubérculos d'un máximu de 20 centímetros de llargor nos sos raíz secundaries. Les fueyes son opuestes, peciolaes y tri a penta lobulaes con hasta 65 milímetros de llargor y 40 d'anchor. El so color ye verde buxu pola presencia de glándules de mucílagu, el viesu ye pubescente.
Les flores tienen morfoloxía infundibuliforme (forma d'embudu) con hasta 7 centímetros de llargor y colores variables del colloráu al púrpura na so zona distal y amarellentada na so base. El so frutu ye una cáusula bilocular dehiscente ovada y plana. Carauterísticamente esta cáusula alcuéntrase armada con dos escayos centrales d'hasta 7 centímetros de llargor y dos fileres d'ente 12 y 16 escayos llaterales curvaes perpendicularmente a la exa principal.
Composición química thumb|Harpagósido. Los metabolitos secundarios meyor conocíos en Harpagophytum procumbens son derivaos terpénicos iridoides, carauterísticos del orde Lamiales, que pueden tener diverses funciones como principios activos en Farmacoloxía. Destaca'l Procúmbido un epímero del Antirinósido, el 8-O-cinamoilo o Harpagósido, el 8-O-(4-hidroxicinamoilo) y el Procumbósido, toos ellos presentes en raigañu.
Propiedaes y actividá farmacolóxica
El raigañu secundaria de Harpagophytum procumbens seca, en polvu o en fervinchu ye utilizada en medicina tradicional pal tratamientu de dolores articulares y tendinitis, problemes dixestivos tales como flatulencia, distensión abdominal o perda de mambís. Según l'Axencia Europea de Melecines nun esisten estudios médicos que respuendan por tales propiedaes, basándose éstes namái nel so usu enllargáu a lo llargo del tiempu.
Diversos estudios realizaos con estractu de raigañu n'animales indiquen que tien cierta capacidá analxésica periférica y antiinflamatoria. Esta actividá ye bien dependiente de la vía d'alministración, siendo efeutiva la vía intraperitoneal anque non la oral (siquier al respective de l'actividá antiinflamatoria). Tamién amuesa completa independencia al respective de cualesquier de los principios activos conocíos na planta polo que s'ignora qué compuestu causa los efeutos reparaos. L'actividá nel sistema cardiovascular, un amenorgamientu de la presión arterial y la frecuencia cardiaca, paecen ser promovíos pol Harpagósido y por otres sustancies non identificaes.
Los preparaos d'esti vexetal pueden provocar diversos desórdenes por hipersensibilidad a los sos principios activos causando foria, vultures, estomagada, dolor abdominal, dolor de cabeza, maréos y reacciones cutanees. Nun s'encamienta'l so inxestión per parte d'embarazaes, lactantes nin por pacientes con úlcera gástrica o duodenal o problemes cardiovasculares.
Taxonomía Harpagophytum procumbens describióse por (Burch.) DC. ex Meisn. y espublizóse en Pl. Vasc. Xen. 206 1840. Referencies
Enllaces esternos
National Institute of Medicine article on Devil's Claw
Categoría:Plantes descrites en 1840 Categoría:Pedaliaceae Categoría:Plantes melecinales Categoría:Xerófilos Categoría:Flora de Gambia Categoría:Plantes descrites por Burchell Categoría:Plantes descrites por de Candolle Categoría:Plantes descrites por Meissner Categoría:TBSpecies