L'espárragu de llobu (Orobanche rapum-genistae Thuill.) ye una yerba viviega de la familia de les orobancacees; ye un holoparásito carente de clorofila, que s'afita a plantes de la familia de les fabácees pa estrayer d'elles les sos nutrientes.
Carauterístiques L'espárragu de llobu ye una yerba viviego, de tarmos erectos d'hasta 90 cm d'altor y color amarellentáu o purpúreo. Les fueyes son vestigiales, alternes, carnoses, sésiles, oblongues a ovaes.
Floria ente xunu y agostu, formando inflorescencies terminales en forma d'espiga, de color amarellentáu y golor desagradable; los 10 a 20 floros son pentámeros, hermafrodites, con cuatro estames y un pistilu, y l'ovariu súperu. La polinización llevase a cabu per inseutos, de normal dípterus. El frutu ye una cáusula unilocular con numberoses granes que s'esvalixen por anemocoria. Les espigues muertes del añu anterior de normal caltiénense xuntaes al tarmu.
Hábitat Como parásitu de piornos y escobes.
L'espárragu de llobu parasita los raigaños de arbustos leguminosos, menguando la so puxanza. Habita los terrenos nos qu'apaecen éstos, de normal llombes, pacionales y bancales arenosos.
Distribución Ye natural de les rexones templaes d'Europa occidental, onde s'estiende dende Italia hasta les Islles Britániques, onde güei s'atopa amenazada pola destrucción del so hábitat.
Sinonimia Orobanche bracteata Viv. Orobanche major L. pro parte Orobanche rapum auct. Orobanche benthamii Timb.-Lagr.
Referencies
Enllaces esternos
Categoría:Orobanche Categoría:Plantes parásites Categoría:Flora d'Europa