Sofía Margarita Victoria Federica Schleswig-Holstein Sonderburg , conocida como Sofía de Grecia, foi reina consorte d'España ente'l 22 d'avientu de 1975 y el 18 de xunu de 2014 .
Biografía Sofía de Grecia nació'l 2 de payares de 1938, fía de los reis de Grecia Pablu I y Federica, ye la mayor de tres hermanos. Cola entrada de los alemanes en Grecia, en 1941 la familia coló pal exiliu. Sofía, xunto a la so ma y los sos hermanos Catherine y Constantín, asitióse en Sudáfrica, mientres que'l so pa abellugábase n'Exiptu. Acabada la Segunda Guerra Mundial, la familia axuntóse de nueu en Grecia, y Pablu I foi coronáu rei del país.
Na so mocedá, Sofía de Grecia cursó estudios d'arqueoloxía y enfermería, llegando a trabayar nun hospital d'Atenes. En 1954, Sofía atopóse col que más alantre sedría'l so home, Xuan Carlos I d'España, nun cruceru organizáu pola so ma pa los mozos de la realeza europea nel yate Agamenón. Dambos coincidieron en 1958 nel casoriu de les fíes del duque de Württenberg, n'Stuttgart (Alemaña).
El 14 de mayu de 1962, dambos casaben n'Atenes, dempués de que Sofía aceptara convertise al catolicismu. Un añu dempués afítense na residencia de la Zarzuela, en Madrid.
Sofía de Grecia da a lluz a la so primer fía, la infanta Elena de Borbón a los pocos meses, y en 1965 a la segunda, la infanta Cristina de Borbón.
En 1969 naz el so tercer fíu, Felipe de Borbón, a la fin Príncipe d'Asturies y herederu de la Corona de España. Esi mesmu añu, el entós xefe del estáu español, el dictador Francisco Franco, asoleya la so decisión de nomar a Xuan Carlos I d'España como'l so socesor na xefatura del estáu, ello trés años dempués de reinstaurar la monarquía nel país.
Muertu Franco, Xuan Carlos ye coronáu rei d'España, con Sofía como reina. La ceremonia celebróse'l 22 de payares de 1975. Dende entós, Sofía caltién la so residencia nel palaciu de la Zarzuela y exerz delles actividaes de tipu institucional y social. En 1977, Sofía fundó la Fundación Reina Sofía, enfotada nel desendolcu d'actividaes de tipu benéficu y cultural.
Referencies
Enllaces esternos
Web de la Fundación Reina Sofía (n'español) Web de la Casa Real española (n'español)
Categoría:Reis y reines consortes d'España Categoría:Persones d'Atenes