L' ye una especie de coleópteru escarabeidu de la Familia Dynastidae.
Descripción Son escarabayos gordosos, con élitros bien convexos. Presenten un gran dimorfismu sexual. El pronotu de los machos presenta un ampliu relieve superior tresversal rematáu por dos tubérculos romos, que s'enllarga llateralmente, dende'l que baxa en cuéncanu hasta la cabeza. Ésta ye de tamañu menor y ta rematada por un pronunciáu cuernu clipeal incurváu p'atrás que remanez ente la frente y la estructura bucal. Nes femes el relieve pronotal ta atenuáu, ensin tubérculos, y el cuernu clipeal queda reducíu a un pequeñu tubérculu apuntáu. Les antenes son pequeñes, tienen 10 alfayes y los trés últimos tán dispuestos en forma de llámines que cuando tán arrexuntaes paecen una pequeña maza. Los cantos d'élitros y pronotu apaecen cuasi negros y engrosaos, y ente dambos élitros acompañaos de dos fileres puntiaes. Los fémures de les pates y rebordes ventrales presenten una pilosidá marcadamente pelirroxa, que col tiempu pue dir perdiéndola. Los tegumentos son brillosos, de color pardu acoloratáu.
El so tamañu bazcuya ente 30 y 45 mm.
Distribución Distribúise pel Paleárticu, alcontrándose n'Europa hasta'l centru de la Península escandinava, Asia Central y Occidental y África del Norte. Falta nes Islles Britániques.
Bioloxía El bárabu del escarabayu rinoceronte, de tipu melolontiforme, desarróllase de forma natural na madera, especialmente na madera en procesu de descomposición, polo que ye saproxilófaga, siendo indiferente tocantes a la especie d'árbol magar nun s'alcuentra nes coníferes. Amás, especialmente nos llugares más septentrionales de la so distribución, los bárabos alcontráronse en montones de serrín de les serreríes, acúmulos de detritus vexetales y compost, manifestando una cierta sinantropía. Los bárabos desarróllense a lo llargo d'años y algamen un tamañu mayor que los escarabayos adultos. Éstos nun precisen alimentase mientres la so curtia vida, son renuentes a entamar el vuelu pol altu costu enerxéticu del mesmu y son de vezos predominantemente nocherniegos.
Subespecies thumb|Pupa de Oryctes nasicornis thumb|Güevu de Oryctes nasicornis Reconócense les siguientes subespecies: Oryctes nasicornis afghanistanicus Endrödi, 1938 Oryctes nasicornis birmanicus Dechambre, 1980 Oryctes nasicornis chersonensis Minck, 1915 Oryctes nasicornis edithae Endrödi, 1938 Oryctes nasicornis grypus Illiger, 1803 Oryctes nasicornis hindenburgi Minck, 1915 Oryctes nasicornis holdhausi Minck, 1914 Oryctes nasicornis illigeri Minck, 1915 Oryctes nasicornis kuntzeni Minck, 1914 Oryctes nasicornis laevigatus Heer, 1841 Oryctes nasicornis latipennis Motschulsky, 1845 Oryctes nasicornis mariei Bourgin, 1949 Oryctes nasicornis ondrejanus Minck, 1916 Oryctes nasicornis polonicus Minck, 1916 Oryctes nasicornis przevalskii Semenow & Medvedev, 1932 Oryctes nasicornis punctipennis Motschulsky, 1860 Oryctes nasicornis shiraticus Endrödi & Petrovitz, 1974 Oryctes nasicornis transcaspicus Endrödi, 1938 Oryctes nasicornis turkestanicus Minck, 1914
Referencies
Bibliografía Dechambre (R.-P.) & Lachaume (G.), 2001 - The Beetles of the World, volume 27, The genus Oryctes (Dynastidae), Hillside Books, Canterbury. López-Colón, J.I., 2003. Datos sobre la alimentación y distribución ibérica de Oryctes nasicornis grypus Illiger, 1803 (Coleoptera, Scarabaeidae, Dynastinae) . Bol. S.Y.A., nº 33 (2003) : 183 – 188 Martínez, A., 2012. Boletín de la SAE Nº 20 (2012): 34-49
Enllaces esternos
Les pages entomologiques d'André Lequet, L'ORYCTES ou "RHINOCÉROS" (Oryctes nasicornis) !
Cerambyx, Lucanus y Otros... Oryctes nasicornis
Oryctes nasicornis
Categoría:Dynastinae Categoría:Coleópteros d'Europa Categoría:Coleópteros d'África del Norte Categoría:Animales descritos en 1758 Categoría:Especies descrites por Linnaeus