L'abeyerucu gorgiazul tamién llamáu de gargüelu azulAbeyerucu de Gargüelu Azul (Merops viridis) Linnaeus, 1758; Avibase. Consultáu'l 10 de mayu de 2013. (Merops viridis) ye una especie d'ave coraciforme de la familia Meropidae que s'atopa en Brunéi, Camboya, China, Ḥong Kong, Indonesia, Laos, Malasia, Filipines, Singapur, Taiwán, Tailandia y Vietnam.
Hábitat Vive nos montes y manglares tropicales y subtropicales hasta los 750 msnm. Migren mientres la temporada reproductiva, cuando se-yos atopa tamién en terrenes abiertos, praos, bancos de sable y sableres."Species: Blue-throated Bee-eater Merops viridis"; The Birds of Singapur. Consultáu'l 10 de mayu de 2013.
Descripción Mide 21 a 30 cm de llargor. Les plumes centrales de la cola algamen hasta 9 cm. Pesa 34 a 41 g. El picu ye llargu y curvado. Presenta'l pileu y la nuca de color castañu escuru acoloratáu, con una banda negra de la base del picu hasta los oyíos; el mentón y el gargüelu son de color azul; les ales verde escuru; el pechu y el banduyu verde claru; el llombu, la grupa y la cola azul claru.Brazil, Mark (2009) Birds of East Asia: 278, pl.125. London: Christopher Helm.
Alimentación La so dieta ta compuesta por inseutos, principalmente himenópteros (formigues, abeyes, babarones y aviespes), pero tamién escarabayos, libélulas, ortópteros (saltapraos, llagostes, saltapraos y grillos), tamién caparines.
Reproducción El machu ufierta un inseutu a la fema, dacuando dellos y cuando ella acepta'l cortexu, la cópula tien llugar col machu nalando pa caltener l'equilibriu ente que la fema sostiense firmemente a una percha. Añeren depués en colonies numberoses. Cada pareya constrúi'l nial cavando en bancos d'arena túneles de 1,5 a 4,5 m de llargu y 7 cm d'anchu, que terminen nuna cámara de 10 cm de diámetru y 40 cm fondura. La fema pon ente unu y cinco güevos blancos brillantes redondos. xeneralmente trés, que miden en permediu 23,1 x 20,3 mm. Los güevos eclosionen dempués de 24 díes y los pichones abandonen el nial un mes dempués.
Taxonomía La subespecie M. v. americanus de les Filipines ye dacuando considerada una especie distinta M. americanus.
Referencies
Enllaces esternos
Categoría:Merops Categoría:Aves d'Asia Categoría:Especies descrites por Linnaeus Categoría:Animales descritos en 1758