Picoides dorsalis ye una especie d'ave piciforme de la familia Picidae nativa d'América del Norte.
Descripción Tien unos 21 cm de llargor, valumbu de 38 cm y un pesu permediu de 55 g, la esperanza de vida máxima nel so hábitat natural ye de 6 años. Paezse enforma al picu árticu (Picoides arcticus), que tamién ye de tres deos. Hasta apocayá, consideróse la mesma especie que'l picu tridáctilu euroasiático (Picoides tridactylus). Los adultos tienen la cabeza de color negru, les ales, la cola y el gargüelu blancu, los lladrales son de color blancu con franxes negres. La parte posterior ye de color blancu con franxes negres y la cola ye de color negru coles plumes esternes blanques enrexaes con negru. El machu adultu tien una gorra mariella.
Distribución y hábitat El so hábitat de reproducción son los montes de coníferes de too l'oeste de Canadá, Alaska y el mediu oeste d'Estaos Xuníos. Tamién se reproduz en dellos llugares na península cimera de Michigan.
La fema pon de 3 a 7 güevos nun nial caváu nuna conífera muerta o, dacuando nun árbol vivu o un poste. La pareya escava un nuevu nial cada añu. Esti páxaru ye de normal residente permanente, pero les aves del norte puede movese escontra'l sur y les aves nes altes elevaciones puede treslladase a niveles más baxos pel hibiernu.
Muévense de cutiu a zones con un gran númberu d'árboles infestaos d'inseutos, de cutiu dempués de quemes forestales o llenes.
Subespecies Reconócense trés subespecies: P. d. bacatus P. d. dorsalis P. d. fasciatus
Referencies
Enllaces esternos
dorsalis Categoría:Aves d'América del Norte Categoría:Animales descritos en 1858 Categoría:TBSpecies