Rallina tricolor ye una especie d'ave gruiforme de la familia Rallidae que vive n'Australasia.
Descripción La pituca tricolor mide alredor de 25 cm de llargu, con un valumbu alar de 40 cm, y pesa alredor de 200 g. La so cabeza, pescuezu y pechu son de color castañu acoloratáu, con tonos más claros nel gargüelu. El restu del so plumaxe ye de color pardu buxu, con un barrado más claru nes partes inferiores inferiores. La parte inferior de les ales tienen llistes blanques y negres. El so picu ye verde y les sos pates son pardu abuxaes.
Distribución y hábitat La pituca tricolor vive en Nueva Guinea ya islles circundantes como les islles menores de la Sonda, les Moluques, y les islles Bismarck, nes mariñes del nordés d'Australia. Atópase nes selves y zones de vexetación trupa cercanes a güelgues permanentes.
Comportamientu
Alimentación La so dieta consta d'anfibios, invertebraos acuáticos, crustáceos y moluscos.
Reproducción Esta ave añera nel suelu o cerca d'él en zones de vexetación trupa. La so puesta consta de 3 a 5 güevos ablancazaos que guara mientres unos 20 díes. Los pollos nacen cubiertos de plumón negru y son nidífugos.
Referencies
Bibliografía BirdLife International. (2007). Species factsheet: Rallina tricolor. Downloaded from http://www.birdlife.org on 14/6/2007 Marchant, S.; Higgins, P.J.; & Davies, J.N. (eds). (1994). Handbook of Australian, New Zealand and Antarctic Birds. Volume 2: Raptors to Lapwings. Oxford University Press: Melbourne. ISBN 0-19-553069-1
Enllaces esternos
Tricolor Categoría:Aves d'Australasia Categoría:Animales descritos en 1858 Categoría:TBSpecies