La ye una especie d'elasmobranquiu lamniforme de la familia Alopiidae. La so estraordinaria cola mide cuasi tanto como'l restu del so cuerpu. El lóbulu inferior de la cola ye pequeñu, pero'l superior ye bien llargu, narquiáu y termináu en punta. Tien cinco pares d'abertures branquiales.
Aliméntase, en solitario o en grupu, de bálamos de pexes. Usa la cola a manera de llátigu que ximielga d'un llau a otru p'arrodiar o mancar a les sos preses. Cuando nada cerca de la superficie, dacuando balta col rau aves marines que vuelen baxu. La fema pare hasta 4 críes d'una sola vegada; produz más embriones, pero delles críes comen a les otres cuando inda tán dientro de la madre.
Nes agües d'Asturies apaez mui de ralo en ralo. Solamente apaez documentáu na obra de Barriuso nos cais de Tazones y Llastres, documentáu nesti últimu como "gatu".
Referencies
Bibliografía El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.
Categoría:Alopiidae Categoría:Animales descritos en 1788