Helmut Heinrich Waldemar Schmidt foi un políticu alemán, miembru del Partíu Socialdemócrata (SPD). Foi Ministru de Defensa ente 1969 y 1972, ministru d'Economía y Finances en 1972, ministru de Finances dende 1972 hasta 1974, canciller de la entós Alemaña Occidental, dende 1974 hasta 1982, y ministru d'Asuntos Esteriores en setiembre de 1982 y ochobre de 1982. De formación economista, Schmidt ye consideráu como partidariu del keynesianismu. Dende 1983 hasta la so muerte foi editor del selmanariu Die Zeit.
Integración europea left|thumb|250x250px|Helmut Schmidt en 2001. Como canciller, Schmidt promovió la creación del Fondu Européu de Desenvolvimientu Rexonal y del Sistema Monetariu Européu. Tamién impulsó les primeres eleiciones por sufraxu universal al Parllamentu Européu en 1979.
El Conseyu Européu creó por decisión de los xefes d'Estáu o de gobiernu de los Estaos miembros de les entós Comunidaes Europees, axuntaos nuna conferencia celebrada en París los díes 9 y 10 d'avientu de 1974. La iniciativa partió del presidente francés Valéry Giscard d'Estaing y del canciller Schmidt, que propunxeron a los otros xefes de gobiernu institucionalizar les cumes, qu'hasta entós se celebraron de forma irregular. Fízose a pidimientu de dalgunos de los Estaos miembros y asina alcordaron axuntase dos vegaes per añu.
Referencies
Categoría:Políticos y polítiques d'Alemaña Categoría:Persones d'Hamburgu Categoría:Cancilleres d'Alemaña