thumb|250px|left|Fábrica d'aluminiu en Surinam. La economía de Surinam ta apoderada pola minería, sobre manera la estracción d'alumina, oru y petroleu, responsables por 85% de les esportaciones y el 25% de los ingresos gubernamentales. Esto dexa la economía del país estremamente vulnerable a la variación de precios internacionales de los minerales.
L'añu 2000, Ronald Venetiaan asumió una vegada más el gobiernu y heredó una inflación de más de 100% al añu, y un déficit fiscal creciente. Él rápido enllantó un programa d'austeridá, alzó les tases impositives, buscó amenorgar el gastu públicu y controló la inflación. La crecedera económica foi d'aproximadamente un 6% al añu nel 2007 y el 2008, en gran parte por cuenta de la inversión estranxera na producción de petroleu y oru. Surinam recibió ayuda nos sectores de la minería de la bauxita y l'oru de los Países Baxos, Bélxica y el Fondu de Desarrollu de la Comunidá Europea. Sicasí, la economía menguó mientres el 2009 cuando la inversión menguó y los precios internacionales de los minerales cayeron.
Los planes empecipiaos en 2001 pa reordenar el sistema económicu, abrir un procesu de lliberalización y ameyorar la estructura granible tuvieron efeutos bien probes. Delles empreses d'Estaos Xuníos d'América y españoles faen nueves prospeiciones y esplotaciones petrolíferes que tán dando bones resultaos. Igualmente, el país dispón d'importantes reserves mineres d'oru y bauxita.
Dende l'añu 2005, Surinam forma parte del alcuerdu enerxéticu con Venezuela denomáu Petrocaribe, per aciu del que pue adquirir petroleu y derivaos en condiciones más convenientes.
Referencies
Surinam Categoría:Surinam