Salvador Sánchez Cerén ye un profesor y políticu salvadorianu. Foi presidente del so país ente 2014 y 2019. Ye unu de los principales dirixentes del partíu Frente Farabundo Martí pa la Lliberación Nacional (FMLN) y de la sumida organización políticu militar Fuercies Populares de Lliberación Farabundo Martí (FPL). Foi'l Vicepresidente d'El Salvador depués de vencer nes eleiciones del 15 de marzu de 2009, xunto col so compañeru de fórmula, Carlos Mauricio Funes CartagenaDiario Digital La Páxina, «TSE entregará credenciales el próximo martes a presidente electo» , noticia espublizada'l 28 de marzu de 2009.. Asumió'l cargu'l 1 de xunu de 2009, siendo tamién nomáu como Ministru d'Educación pol presidente Funes. A mediaos del añu 2012 anunció que se postulaba pa la presidencia del país nes eleiciones presidenciales del 2014 n'El Salvador.
Foi Presidente d'El Salvador, depués de vencer el 9 de marzu de 2014 na segunda vuelta de les eleiciones presidenciales d'esi mesmu añu al candidatu Norman Quijano del partíu ARENA. El so mandatu foi de cinco años, que ta entendíu del 1 de xunu de 2014 al 1 de xunu de 2019.Artículu 154 de la Constitución Política d'El Salvador de 1983
Nacíu nel senu d'una familia d'artesanos, fizo estudios de profesoráu na Escuela Normal d'El Salvador, na capital salvadoriana.Sitiu oficial de la campaña de Mauricio Funes, Biografía de Salvador Sánchez Cerén. En 1965 foi unu de los fundadores de l'Asociación Nacional d'Educadores Salvadorianos (ANDES 21 de Xunu). En 1970 participó na creación de les FPL, la primer organización armada d'esquierda d'El Salvador. Dientro de la organización foi conocíu pol seudónimu de Leonel González.
Referencies
Enllaces esternos
Categoría:Políticos y polítiques d'El Salvador