250px|left|thumb|Edificios en Lagos. Hasta la década de 1960, la economía de Nixeria taba basada na agricultura y el llendo de subsistencia.
El descubrimientu de pozos petrolíferos nel sur del país camudó por completu'l so estructura económica global. Dende entós y, según periodos, ente'l 65 y el 95 por 100 de les esportaciones nixerianes son de petroleu o los sos derivaos.
A principios de 1980, y tres la grave crisis mundial de 1973, el preciu del crudu sufrió un importante amenorgamientu, lo que llevó a una crisis coyuntural grave nuna economía tan dependiente d'un solu productu.
Aprendida la lleición, a lo llargo de los postreros 25 años esistió cierta diversificación económica, cuasi toa ella alredor de los productos derivaos del crudu. Per un sitiu, a pesar de que les esplotaciones petrolíferes tán na so inmensa mayoría en manes de países europeos, asiáticos y americanos, parte de los beneficios invirtiéronse na industria petroquímica, de la que Nixeria ye'l principal productor africanu, refineríes, según en fabricación d'automóviles, daqué d'industria pesao y meyora de puertos y aeropuertos.
N'abril de 2002, les reserves envaloraes de petroleu de Nixeria algamaben los 15.600 millones de barriles, y les de gas natural los 3 billones de m³.
Del restu de l'actividá económica destaca'l cacáu, al que se dedica la metá del suelu cultivable y que constitúi otra parte fundamental nel capítulu d'esportaciones. Tien xacimientos de carbón, mineral de fierro y estañu.
Nixeria ye miembru de la OPEP, el Bancu Mundial y el Fondu Monetariu Internacional.
Referencies
Nixeria Categoría:Nixeria