Paul Benjamin Auster foi un escritor y cineasta d'Estaos Xuníos. Foi l'autor de delles noveles de gran ésitu y ún de los máximos esponentes de la narrativa contemporánea n'inglés.
Dalgunes de les sos obres más importantes son The New York Trilogy (1987), -(City of Glass (1985), Ghosts (1986) y The Locked Room (1986)-; Leviathan (1992), Mr. Vertigo (1994), Oracle Night (2004) o Brooklyn Follies (2005).
Recibió'l Premiu Médicis en 1993, por Leviathan, y el Premiu Princesa d'Asturies de les Lletres en 2006.
Trabayó tamién na estaya cinematográfica, na que desenvolvió los guiones de les películes Smoke (1995), Blue in the Face (1995) y Lulu on the Bridge (1998).
Referencies
Enllaces esternos
Categoría:Escritores d'Estaos Xuníos Categoría:Premiu Princesa d'Asturies de les Lletres Categoría:Persones de Newark (Nueva Jersey)