Alejandro Mieres Bustillo foi un pintor y artista plásticu español.
Biografía Treslladóse na so mocedá a Madrid, onde estudió pintura na Escuela de Belles Artes de San Fernando.
Dempués de vivir en París, torna a España pa exercer como profesor de pintura mientres cuatro años en Burgo de Osma y dos n'Elx; llograría finalmente plaza de catedráticu de dibuxu nel Institutu Xovellanos de Xixón en 1960.
Destacáu militante socialista ocupó distintos cargos dientro del PSOE y la FSA, destacando tamién nos llabores de fomentu de la divulgación de los trabayos de los artistes asturianos, siendo fundador y presidente de l'Asociación de les Artes Visuales d'Asturies. Tien una cai dedicada col so nome en Xixón. El so estudiu taba allugáu nel Altu la Madera, ente Xixón y La Pola Siero.
Nel añu 2016 recibió la Medaya de Plata del Principáu d'Asturies.
Premios Los más importantes son: Primer premiu Nacional de Dibuxu y Pintura na Esposición Nacional de 1970. Bienal de Zamora (1975). Premiu de Pintura de la Fundación Selgas-Fagalde (1991).
Referencies
Categoría:Pintores d'España Categoría:Medaya de plata d'Asturies Categoría:Políticos y polítiques del Partíu Socialista Obreru Español