right|thumb|200px|Fastera occidental de la sablera de Barru (Llanes), col isllote d'El Pinu al fondu. right|thumb|200px|Fastera oriental de la sablera de Barru (Llanes), cola islla Ramón al fondu.
Les Sableres de Barru, Xiglu y Sorraos, formen un conxuntu de trés sableres continues que se funden na pleamar. La sablera de Barru tien forma de concha y una parte d'ella ye la sablera de Xiglu. Atópense na llocalidá de Barru, nel conceyu de Llanes. Incluinse nes sableres de la nomada Marina Verde Asturiana y tán considerades, pola so vexetación, paisaxe protexíu. Formen parte del Paisaxe Protexíu de la Marina Oriental d'Asturies.
Descripción La sablera de Barru presenta forma de concha, y, al ser la de más bon accesu y la de mayor tamañu, ye la más visitada de les trés. Una parte d'ella ye conocida como sablera de Xiglu y nella, amás de finu sable blancu, preséntense afloramientos de piedra. Pela so parte la de Sorraos tien accesu na baxamar dende la de Barru, y puede llegase a ella tamién per un senderu que pasa pela zona d'aparcamientu. Al respective de los servicios que presenten cunten con toos ellos: aseos, duches, papeleres y serviciu de llimpieza, ente más otros.
Bibliografía
Referencies
Categoría:Espacios naturales d'Asturies Categoría:Sableres de Llanes