La islla Floreana ye la sesta islla más estensa del archipiélagu ecuatorianu de les islles Galápagos. Alministrativamente pertenez a la parroquia llamada Santa María, del Cantón de San Cristóbal, na provincia de Galápagos, siendo la so llocalidá más grande'l pobláu de Puerto Velasco Ibarra.
Historia Foi una de les primeres islles en ser habitaes y que más polémica causó na prensa internacional d'empiezos del sieglu XX. Dellos llibros escribiéronse alrodiu de Floreana y los sos secretos, ente ellos el más famosu "Floreana, lista de correos", de Margret Wittmer, que cunta la historia de la islla na cual la familia alemana Whittier foi la primer colonia esitosa n'habitala. Dellos estranxeros fixeron intentos fallíos; ente ellos, noruegos, d'Estaos Xuníos y otros alemanes, siendo Rolf Wittmer el primer nativu de la islla. Na badea de Correos, dende'l sieglu XVII, los balleneros y pirates que derrompíen les agües del Pacíficu usaben un barril a manera d'oficina de correos por que les cartes pudieren ser recoyíes y apurríes a les sos destinatarios, principalmente n'Europa y los Estaos Xuníos, polos barcos que tuvieren nel so viaxe de torna.
Cuando inda yera conocida como la islla de Carlos en 1819, la islla foi amburada por un marineru de Nantucket que viaxaba nel buque balleneru Essex, qu'un añu dempués fundiríase. En setiembre de 1835 Charles Darwin, nel segundu viaxe del HMS Beagle, visitó la islla.
Xeografía thumb|left|Mapa topográficu de la islla Floreana. Mide 18 km de llongura por 16 d'anchu; tien una superficie de 173 km² y una altitú máxima de 640 metros (Cerro Paja). Foi llamada asina n'honor a Juan José Flores, el primer presidente d'Ecuador, mientres que la so alministración el Gobiernu ecuatorianu tomó posesión del archipiélagu. Tamién se conoz como Santa María n'honor a una de les carabeles de Colón. Tamién ye conocida como la Islla de Carlos o de Santa María, ye la islla más al sureste del archipiélagu.La historia de la islla Floreana
Flora y fauna Flamencos rosados y tortúes marines añeren nesta islla ente avientu y mayu. Nesta islla puede atopase una pequeña población de los pingüinos de Galápagos. Na Corona del Diañu, un conu volcánicu somorguiáu, pueden reparase interesantes formaciones coralines.
Ver tamién Xeografía d'Ecuador
Referencies
Enllaces esternos
Categoría:Islles Galápagos