Petropávlovsk-Kamchatski (en rusu: Петропавловск-Камчатский) ye una ciudá de Rusia. Constitúi'l centru alministrativu, industrial, científicu y cultural del krai de Kamchatka (hasta'l 1 de xunetu de 2007, óblast de Kamchatka). Ta asitiada na badea Avacha, a veres del océanu Pacíficu. La so población ye de . thumb|left|Petropávlovsk, vista dende la badea Avacha La ciudá foi fundada'l 17 d'ochobre de 1740 nel llugar qu'ocupaba una aldega llamada Aushin como presidiu de Pedro y Pablo (Петропавловский острог) mientres la Segunda Espedición a Kamchatka (1733-1743) encabezada polos esploradores Vitus Bering y Alekséi Chírikov, y tomó el nome de los dos barcos (Santu Apóstol Pedro y Santu Apóstol Pablo) que formaben la mesma.
En 1812 foi-y concedida la categoría de ciudá col nome de puertu de Pedro y Pablo (Петропавловская гавань). De 1849 a 1924 llevó'l nome de Petropávlovski Port (Петропавловский Порт) y a partir de 1924 el nome definitivu de Petropávlovsk-Kamchatski. L'alcalde de la ciudá ye Vladislav Skvortsov.
La ciudá ta estremada nos barrios de Lenin (Ленинский) y d'Ochobre (Октябрьский). Ta arrodiada por cadenes montascoses volcániques y convirtióse nun importante centru turísticu. A 50 quilómetros al norte de la ciudá ta Kliuchí.
Ciudaes hermaniaes / Sebastopol, Rusia, (reclamada por Ucraína) (2009) Kushiro, Xapón (1998) Unalaska, Estaos Xuníos (1990)
Referencies
Enllaces esternos
Páxina oficial de l'alministración municipal de Petropávlovsk-Kamchatsky Afisha: Axenda cultural y d'espectáculos de Kamchatka Community of Kamchatka Photos of Kamchatka Forum "I love Kamchatka"
Categoría:Puertos de Rusia Categoría:Llocalidaes de Rusia