thumb|250px|Friendship, Unity and Sportmanship(Amistá, Unidá y Espíritu deportivu)ye l'emblema de los Xuegos Paralímpicos. Los Xuegos Paralímpicos de Tel Aviv 1968 (tamién conocíos como los 17vos Xuegos Internacionales Stoke Mandeville) fueron los terceros Xuegos Paralímpicos y celebráronse del 4 al 13 de payares de 1968. L'eventu foi acoyíu en Tel Aviv, Israel, dempués de que Méxicu arrenunciara de la so organización. Arxentina y España fueron los dos únicos países de fala hispana que participaron.
Historia El 4 de payares de 1968 inauguráronse en Ramat Gan los XVII Xuegos Internacionales Stoke Mandevillede -más llueu rebautizaos como Xuegos Paralímpicos- un eventu deportivu concebíu pol médicu británicu Sir Ludwig Guttmann como l'equivalente de los Xuegos Olímpicos pa los veteranos de la Segunda Guerra Mundial con dañu a la columna vertebral. Dende la primer edición siempres se celebrara na llocalidá inglesa de Stoke Mandeville, polo que tomó'l so nome, pero en 1958, Antonio Maglio, direutor del centru italianu pa parapléxicos INAIL, propunxo a Guttmann realizar la competición de la edición de 1960 en Roma, qu'esi mesmu añu seria sede de los XVII Xuegos Olímpicos. Tres la siguiente edición olímpica de Tokiu 1964, tamién fueron acoyíos los Xuegos Internacionales Stoke Mandevillede.
Seleición de la ciudá Idealmente, la combinación tenía de siguir en 1968 na Ciudá de Méxicu, pero en 1966 el proyeutu fracasó por cuenta de la falta de sofitu del gobiernu mexicanu. Foi entós qu'Israel s'ufiertó pa ser sede de la edición de 1968, como parte de les celebraciones del XX aniversariu de la nacencia del Estáu d'Israel.
Inauguración, desenvolvimientu y zarru La ceremonia d'apertura tuvo llugar el 4 de payares na capital d'Israel, Xerusalén, nel Estadiu de la Universidá Hebrea, en Givat Ram, onde'l viceprimer ministru, Yigal Alon, frente a unos 10.000 espectadores, declaró abiertos los Xuegos. Los xuegos desendolcáronse en Ramat Gan, cerca de Tel Aviv, nel Centru de Deportes d'Israel pa Persones con Discapacidá Spivak Center. La ceremonia de pieslle tuvo llugar llugar nel Centru de Convenciones d'Israel en Tel Aviv.
Novedaes El programa de competición amplióse al respective de la edición precedente, de 144 a 181 eventos. Les principales novedaes fueron la introducción del xuegu de Bowls y del primer tornéu femenín de baloncestu en siella de ruedes. Al tiru con arcu y la esgrima en siella de ruedes amestáronse carreres d'equipu masculín. L'atletismu celebró per primer vegada la cerrera de 100m en siella de ruedes masculín y el relevu de 4 x 40m en siella de ruedes femenín, les carreres de natación aumentaron a diez, mesmo pa homes que pa muyeres. El númberu de participantes doblóse en comparanza a los Xuegos de Tokyo con 750 atletes compitiendo en representación de 29 países.
En 1984, cuando'l Comité Olímpicu Internacional (COI) aprobó la denominación Xuegos Paralímpicos, los xuegos en Tel Aviv de 1968 fueron reconocíos darréu como los Xuegos Paralímpicos de Tel Aviv 1968.
Atletes destacaos L'italianu Roberto Marson foi proclamáu l'Atleta destacáu de los xuegos, en conquistando diez medayes d'oru. Ganó trés n'atletismu, trés en natación y cuatro n'esgrima. L'estauxunidense Ed Owen ganó ocho medayes en trés deportes distintos, cuatro medayes d'oru y una de bronce n'atletismu, dos medayes d'oru en natación y una de plata en baloncestu en siella de ruedes. L'atleta arxentina Silvia Cochetti tamién ganó ocho medayes (dos d'oru) en trés deportes distintos (atletismu, natación y baloncestu). La nadadora australiana Lorraine Dodd llogró tres medayes nun mesmu día. Nuna emocionante final masculina de baloncestu en siella de ruedes, Israel ganó a Estaos Xuníos 47-37, baxo la direición del capitán Baruch Hagai.
Disciplines paralímpiques Cientu ochenta y un eventos en diez deportes tuvieron nel programa olímpicu oficial pa estos Xuegos, a los cualos añadiéronse el goalball como deporte d'exhibición. Atletismu17x17px Baloncestu en siella de ruedes18x18px Bowls17x17px Dardu con arcu23x23px Esgrima en siella de ruedes17x17px Goalball17x17px Halterofilia17x17px Natación17x17px ''Snooker Tenis de mesa19x19px Tiru con arcu23x23px
Países participantes Estaos Xuníos (USA)22x22px Reinu Xuníu (GBR)22x22px Israel (ISR)22x22px Australia (AUS)22x22px Francia (FRA)22x22px Alemaña Occidental (FRG)22x22px Italia (ITA)22x22px Países Baxos (NED)22x22px Arxentina (ARG)22x22px Sudáfrica (RSA)22x22px Rhodesia (RHO)22x22px Canadá (CAN)22x22px Noruega (NOR)22x22px Xamaica (JAM)22x22px Austria (AUT)22x22px Xapón (JPN)22x22px Suecia (SWE)22x22px Nueva Zelanda (NZL)22x22px Irlanda (IRL)22x22px Bélxica (BEL)22x22px España (ESP)22x22px Suiza (SUI)20x20px Dinamarca (DEAN)22x22px Etiopía (ETH)22x22px Finlandia (FIN)22x22px India (IND)22x22px Corea del Sur (KOR)22x22px Malta (MLT)22x22px
Ver tamién Xuegos Olímpicos de Méxicu 1968
Referencies
Enllaces esternos Páxina del comité paralímpicu internacional
Categoría:Xuegos Paralímpicos de Tel Aviv 1968 Categoría:Ediciones de los Xuegos Paralímpicos de Branu Categoría:1968