La Morpho portis thamyris ye una de les dos subespecies qu'integren la especie M. portis, un lepidópteru ditrisio nimfálido del xéneru Morpho.Cassildé, C., Blandin, P., & Silvain, J. F. (2012). Habita en rexones selváticas del este de Suramérica. http://www.butterfliesofamerica.com/L/morpho_portis_thamyris_types.htm Morpho portis tamyris - Butterflies of America.
Taxonomía y carauterístiques Esti taxón foi descritu orixinalmente nel añu 1867 polos entomólogos austriacos Cajetan Freiherr von Felder y el so fíu Rudolf von Cayetan Felder.
La Morpho portis thamyris mide hasta 120 mm. de valumbu. Dorsalmente ye mayormente ye azul-celeste brillosu, con marxe negru en banda o manches y n'este una mancha blanca na parte central del marxe anterior y puntos difusos del mesmu color nel sector esterior. Ventralmente so un fondu marmoleau marrón-castaño, amuesa fileres d'ocelos, llinies y marques d'un patrón críptido.
Distribución xeográfica La Morpho portis thamyris distribúise nes selves del este de Suramérica. Atópase en Brasil, nos estaos de: Mato Grosso, São Paulo, Paraná, Santa Catarina, Rio Grande do Sul.Bonfantti, D., Leite, L. A. R., Carlos, M. M., Casagrande, M. M., Mielke, E., & Mielke, O. H. H. (2011).Iserhard, C. A., Quadros, M. T. D., Romanowski, H. P., & Mendonça Jr, M. S. (2010).
Tamién habita nel Paraguái, y nel nordeste de l'Arxentina, na provincia de Misiones.Canals, Gustavo R. (2003).
Costumes La Morpho portis thamyris ye una caparina grande, llamativa, de vuelu poderosu, lentu, ondulante, a baxa o mediu altor, con habituales planeos y sópitos aleteos, xeneralmente percorriendo senderos en sectores avesíos y húmedos de les selves onde habita, non lloñe de cañaverales. Pósase sobre frutos lleldaos que cayen al pisu, o sobre escrementos. Al ser asustada alloñase de l'amenaza escontra sectores trupos volando rápida y erráticamente pa desorientar a la fonte de peligru, aumentando la celada posándose de sópitu pa quedar totalmente quieta y coles ales zarraes, col enfotu del so mimetismu alar ventral.
Les canesbes o gates de Morpho portis thamyris aliméntense de les fueyes de bambús, por casu de los xéneros Bambusa y Chusquea.Eugène Le Moult et Pierre Réal, 1962-1963.
Referencies
Enllaces esternos
portis thamyris