El periódicu España foi un periódicu diariu espublizáu en Tánxer ente 1938 y 1967.
Historia Fundáu en 1938 por inspiración del altu comisariu d'España en Marruecos, Juan Beigbeder, el primer númberu del diariu imprimiose'l 25 d'ochobre de 1938. El so fundador, y primer direutor, foi'l periodista Gregorio Corrochano. El diariu ye ún de los que Falanxe Española entamó a espublizar nesa dómina nel norte d'África. Magar que yera editáu en Tánxer, el diariu nun trataba nes sos páxines asuntos africanos, sinón que recoyía l'actualidá española ya internacional, ya incluía tamién munches cróniques taurines. El diariu llegó a ser el más importante d'ente los españoles del norte d'África, llegando a tirar nel momentu de mayor puxu hasta 50.000 exemplares. Pese a los sos oríxenes falanxistes, trabayaron nelli munchos exiliaos republicanos. Na década de 1950 espublizó un suplementu satíricu, Don José, dirixíu por Antonio Mingote. El so caberu númberu salió d'imprenta'l 31 d'ochobre de 1967.
Tres de la so desapaición sucediolu'l diariu Sol de España, espublizáu en Málaga ente 1967 y 1982.
Referencies
Bibliografía
Categoría:Marruecos Categoría:Periódicos