Elisabeth Altmann-Gottheiner

Elisabeth Altmann-Gottheiner foi la primer profesora alemana en dar clase nuna Hochschule, amás d'una defensora de los derechos de la muyer.

Biografía Elisabeth Gottheiner estudió en Londres y Berlín. Nel añu 1904 siguió'l so doctoráu en Zúrich cola investigación Studien über die Wuppertaler Testil-Industrie und ihre Arbeiter in den letzten 20 Jahren ("Estudio sobre la industria testil de Wuppertal y el so trabayu nos últimos venti años").

Nel añu 1908 sería la primer profesora na Universidá de Mannheim. A partir de 1912 realizó'l Jahrbuch der Frauenbewegung ("Anuariu del Movimientu Feminista"). En 1921 publicó Die Berufsaussichten der deutschen Akademikerinnen (Halle/Saale) ("Perspectives d'empléu de les [muyeres] académiques alemanes").

En 1924 empezó a dar clases d'economía. En 1925 foi nomada catedrática.

Elisabeth Gottheiner casóse col economista Samuel Paul Altmann (1878-1933) nel añu 1906.

Premiu Elisabeth Altmann-Gottheiner La Universidá de Mannheim da añalmente y dende 1996 el Premiu Elisabeth Altmann-Gottheiner, donáu pola comisión del senáu alemán pa la promoción de la igualdá de les muyeres nel estudiu, la investigación y la enseñanza. L'oxetivu ye premiar a estudiantes de toles especialidaes (diplomatura, llicenciatura, máster y staatsexamensarbeiten) de dicha universidá que realicen investigaciones científiques nel ámbitu de los estudios de xéneru.

Lliteratura Rosemarie Günther: Eine vorbildliche Netzwerkerin – Elisabeth Altmann-Gottheiner (1874–1930). En: Mannheim Geschichtsblätter 20/2010. Heidelberg, 2010, ISBN 978-3-89735-671-9. Alice Salomon: Elisabeth Altmann-Gottheiner zum Gedächtnis. In: Die Österreicherin – Zeitschrift für alle Interessen der Frau. herausgegeben vom Bund österreichischer Frauenvereine. Viena, 3. Jg. En 1930 (Númberu 9) Agnes von Zahn-Harnack: Altmann-Gottheiner, Elisabeth. En: Neue Deutsche Biographie (NDB). Tomu 1, Duncker & Humblot, Berlín 1953, ISBN 3-428-00182-6, S. 227 (Digitalisat). Reichshandbuch der Deutschen Gesellschaft – Das Handbuch der Persönlichkeiten in Wort und Bild. Deutscher Wirtschaftsverlag, Berlín, 1930, tomu I, P. 20, ISBN 3-598-30664-4

Referencies

Enllaces esternos Lliteratura de y sobre Elisabeth Altmann-Gottheiner nel catálogu de la Biblioteca Nacional d'Alemaña (n'alemán).

Categoría:Persones d'Alemaña Categoría:Feministes