Fechos 612 e.C. - Muerte de Sinsharishkun, emperador asiriu. Esfaimientu de Nínive. 955 - Batalla de Lechfeld: Otto I, emperador del Sacru Imperiu Romanu Xermánicu derrota a los maxares, terminando con 50 años d'invasiones desti pueblu per Europa occidental. 1492 - El papa Alexandru VI entama'l so pontificáu. 1519 - Magallanes sal de Sevilla con cinco barcos pa circunnavegar la Tierra. 1680 - En Nuevu Méxicu entama la sulevación de los indios Pueblo. 1792 - Revolución francesa: Asaltu al Palaciu de les Tulleríes. Lluis XVI de Francia ye arrestáu y puestu baxo custodia. 1809 - Ecuador declara la so independencia d'España. 1821 - Missouri conviértese nel estáu númberu 24 d'Estaos Xuníos. 1846 - Creación de la Smithsonian Institution. 1893 - N'Augsburgu, el primer modelu de motor de Rudolf Diesel funciona per primer vegada. 1913 - Termina la Segunda guerra balcánica: Delegaos de Bulgaria, Rumanía, Serbia, Montenegru y Grecia firmen el Tratáu de Bucarest. 1920 - Los representantes del sultán otomanu Mehmed VI firmen el tratáu de Sèvres que divide l'Imperiu ente los Aliaos. 1944 - Segunda guerra mundial: Les fuercies de los Estaos Xuníos derroten a les últimes tropes xaponeses en Guam. 1949 - El presidente de los Estaos Xuníos Truman crea'l Departamentu de Defensa. 1988 - Ronald Reagan indemniza con 20.000 dólares a los norteamericanos d'orixe xaponés internaos en campos de concentración na Segunda guerra mundial. 1990 - La sonda Magallanes algama'l planeta Venus. 2003 - Rexístrase la más alta temperatura xamás algamada n'Inglaterra: 38,5 °C, en Kent.
Nacencies 1930 - Marta Portal, escritora asturiana. 1973 - Roman Golovtchenko, políticu bielorrusu, primer ministru del so país dende 2020.
Muertes 2022 - Carmen Gómez Ojea, escritora asturiana.
Referencies
Enllaces esternos
10