250px|left|thumb|Teḥrán. La economía d'Irán ye una economía mista en transición que caltién un avolumáu sector públicu, amenorgáu nos últimos años d'un 80% per debaxo del 50%.«Iran privatizes $63bn of state assets» (en inglés) La economía iranina ta apoderada pola producción d'hidrocarburos, magar na Bolsa de Teḥrán operen más de 40 empreses industriales.«Iran offers incentives to draw investors» (en inglés) Ye una de les poques grandes economíes del mundu que, por causa del so relativu aislamientu de los fluxos internacionales de capital, nun resultó gravemente afeutada de la crisis financiera de 2008.Parsi, Massoud (22 de mayu de 2010).
Pola so paridá de poder adquisitivu, Irán ocupa'l decimoséptimu puestu ente los países del mundu, ente que nun escalafón de países per productu internu brutu nominal, ocupa la ventena quinta posición.(inglés). Consultáu'l 10 de mayu de 2013. El país foi incluyíu en 2005 por Goldman Sachs na llista de los «Próximos once».
Especificidá única del sistema económicu iranín ye la esistencia de grandes fundaciones relixoses (bonyad) qu'arrexunten empreses que los sos presupuestos sumaos suponíen a principios de la década de 2000 escontra'l 20% del PIB nacional.Molavi, Afshin (2006).
El sector priváu de la economía iranina ta llindáu por una política de control de precios y de subsidios centrada nos alimentos y la enerxía. Dende 2010, el gobiernu de Mahmud Ahmadineyad dirixe un programa de reformes económiques —el de mayor valumbu dende la introducción d'un sistema dual de racionamientu de gasolina en 2007— empobináu a promover una economía de mercáu sustituyendo les subvenciones a productos de consumu por ayudes a persones precisaes.
La mayor parte de les esportaciones iranines y de los ingresos del estáu son de petroleu y gas natural. En 2010 constituyeron el 80% de los ingresos de divises —dexando algamar unes reserves de más de 80.000 millones de dólares en marzu d'esi añu— y el 60% del presupuestu total del estáu.Solomon, Jay; Farnaz Fassihi (23 d'ochobre de 2010).«Iran oil exports top 844mn barrels» (en inglés). En 2012, les sanciones al comerciu internacional d'Irán impuestes pol Conseyu de Seguridá de les Naciones Xuníes, Estaos Xuníos y la Xunión Europea pola mor del programa nuclear iranín amenorgaron les esportaciones petroleres iranines hasta un nivel envaloráu como'l más baxu dende 1986, en plena guerra Irán-Iraq.Bird, David (29 d'abril de 2013). En setiembre de 2012, la cotización de la divisa iranina algamara un mínimu históricu de 23.900 riales por dólar d'Estaos Xuníos.«Iran's currency falls to record low against dollar» (n'inglés).
Referencies
Categoría:Economía d'Irán