WorldPride, popularmente conocíu como Arguyu Mundial, ye un eventu fundáu por Paul Stenson y entamáu pola asociación InterPride pa promover a escala internacional cuestiones rellacionaes con lesbianes, gais, bisexuales y transexuales (arguyu LGBT) al traviés de desfiles, festivales y otres actividaes culturales.
Les ciudaes anfitrionas son escoyíes polos coordinadores de InterPride na so xunta xeneral añal. El WorldPride inaugural celebróse en Roma en 2000. El segundu Arguyu Mundial foi dau a Xerusalén en 2006. El WorldPride de 2012 celebróse en Londres y coincidió col 19º Europride añal. La selección del Arguyu Mundial pa 2014 realizóse'l 18 d'ochobre de 2009; los dos candidatos yeren Toronto y Estocolmu, con Toronto como vencedor na segunda ronda de votación.
A partir de 2014 (45 aniversariu de los disturbios de Stonewall), l'eventu llévase a cabu nun ciclu de cinco años. Cuando'l WorldPride tien llugar n'Europa, fácese coincidir col Europride.
Na conferencia añal de InterPride que tuvo llugar el 7 d'ochobre de 2012 en Boston (Estaos Xuníos) y gracies al votu de más d'ochenta delegaos internacionales, escoyóse la ciudá de Madrid como sede pa celebrar la quinta edición del Arguyu Mundial de 2017.
Ediciones Edición Añu Ciudá 1ª 2000 Roma 2ª 2006 Xerusalén 3ª 2012 Londres 4ª 2014 Toronto 5ª 2017 Madrid 6ª 2019 Nueva York
Ver tamién Europride Día Internacional del Arguyu LGBT
Referencies
Enllaces esternos InterPride WorldPride 2012, London World Pride 2012 on Facebook WorldPride 2014, Toronto World Pride 2017 en Facebook Categoría:LGBT