thumb|250px|Plaza común del castru con un bancu de piedra pegáu a una muria d'un edificiu.thumb|250px|Baños públicos que daten d'enantes de la llegada de Roma.thumb|250px|Edificiu de planta rectangular. Chao Samartín ye un castru allugáu en Castro na parroquia de Grandas (Grandas de Salime - Asturies).
Edá del Bronce El so orixe como pobláu fortificáu remóntase a finales de la Edá del Bronce (va unos 3.000 años), ye d'esa época les primeres defenses, un fosu y un valla qu'arrodiaben un recintu sagráu con una entrada presidida por unes peñes grandes y onde s'asitaba un edificiu bien grande pa la época (unos 60 m²).
Edá del Fierro Yá na Edá del Fierro la zona habitada del castru medra enforma y duplíquense les defenses. Nel sieglu IV e.C. les defenses componíense d'una muria y dellos fosos al abellugu de los que taben les cabañes de planta circular y rectangular con esquines redondes, cuntaben con una sala y techu vexetal.
La única entrada al pobláu yera pel sur gracies a un portón que salvaba'l fosu.
Los habitantes yeren agricultores, preparaben los alimentos en pieces cerámiques y teníen ferramientes de fierro, cobre, plata y oru, según amuesen los restos topaos nel llugar.
Época romana Cola llegada del imperiu romanu, entama un tiempu de paz y prosperidá llegando a arenunciar de les defenses y aprovechando'l tener mui cerca delles mines d'oru. Esta prosperidá viose frenada por un abandonu repentinu del pobláu mui probablemente por mor d'un terremotu, alredor del sieglu II.
Escavaciones El castru entamó a escavase en 1990 y entá falta gran parte del pobláu por estudiar. Debíu al abandonu repentinu topense munches ferramientes inclusive xoyes y otros oxetos de valir na época romana.
Ver tamién Castru
Referencies
Enllaces esternos Páxina web oficial del Castru y el Muséu del Chao Samartín
Categoría:Roma antigua Categoría:Historia antigua d'Asturies Categoría:Grandas de Salime Categoría:Castros d'Asturies