Antonio Roldán Monés ye un economista y políticu español, diputáu nel Congresu na XI y XII llexislatures.
Biografía Llicenciáu en Ciencies Económiques pola Universidá Autónoma de Barcelona, ye máster en rellaciones internacionales pola Universidá de Sussex y en política económica pola Universidá de Columbia. Considérase-y discípulu de Luis Garicano. Escribió artículos d'economía nel HuffPost, eldiario.es y El País.
Trabayó como asesor económicu del Secretariu Xeneral de la Delegación Socialista Española nel Parllamentu Européu y na Direición Xeneral d'Economía y Finances de la Comisión Europea. Tamién foi analista de riesgu político na consultora Eurasia Group ya investigador na London School of Economics.
En 2015 ingresó en Ciudadanos-Partíu de la Ciudadanía, partíu col que foi escoyíu diputáu por Barcelona nes eleiciones de 2015 y 2016.
Obres Recuperar el futuro: Doce propuestas que cambiarán España (2015), con Luis Garicano Gabilondo.
Referencies
Categoría:Políticos y polítiques d'España Categoría:Persones de Barcelona