+Fórmules de conversión de la escala Kelvin Conversión de a Fórmula kelvin Celsius °C = K − 273.15 Celsius kelvin K = °C + 273.15 kelvin Fahrenheit °F = K × 1.8 − 459.67 Fahrenheit Celsius °C = (°F − 32) / 1.8 Fahrenheit kelvin K = (°F + 459.67) / 1.8 Pa intervalos de T tener en cuenta que1 K = 1 °C y 1 K = 1,8 °FOtres fórmules de conversiónCalculadora conversora ente unidaes de temperatura
El kelvin ye la unidá de temperatura de la escala creada por William Thomson, que más tarde sería Lord Kelvin, sobre la base del grau Celsius, estableciendo'l puntu cero nel cero absolutu (−273,15 °C) y calteniendo la mesma dimensión pa los graos. Foi nomada n'honor de Lord Kelvin, qu'a los sos 24 años introduxo la escala de temperatura termodinámica.
Tómase como la unidá básica de temperatura nel sistema internacional d'unidaes y correspuéndese a una fraición de 1/273,16 partes de la temperatura del puntu triple de l'agua. Represéntase cola lletra K, non ºK. Amás, el so nome nun ye'l de "grau Kelvin" sinón cenciellamente kelvin; nun se diz "19 graos kelvin" sinón "19 kelvin" o "19 K".
Al coincidir l'incrementu d'un grau Celsius col d'un Kelvin, la so importancia radica nel 0 de la escala: a la temperatura de 0 K denómase-y cero absolutu y correspuende al puntu nel que les molécules y átomos d'un sistema tienen la mínima enerxía térmica posible. Nengún sistema macroscópicu pue tener una temperatura inferior.
A la temperatura midida en Kelvin llámase-y "temperatura absoluta", y ye la escala de temperatures que s'usa en ciencia, especialmente en trabayos de física o química.
Factores de conversión
La escala Celsius defínese anguaño en función del Kelvin, siendo 0 °C equivalente a 273,16 K.
kelvin a graos Celsius
Exemplos de temperatures notables: Cero absolutu 0 K o −273 °C Conxelamientu de l'agua 273 K o 0 °C
Temperatura y enerxía
Nun sistema termodinámicu la enerxía contenida poles partícules ye proporcional a la temperatura absoluta, siendo la constante de proporcionalidá la constante de Boltzmann. Per aciu d'ello ye posible determinar la temperatura d'unes partícules con una determinada enerxía, o calcular la enerxía d'unes partícules a una determinada temperatura:
electrón-voltios a kelvin
kelvin a electrón-voltios
Referencies
Enllaces esternos
Folletu del BIPM sobre'l kelvin (n'inglés) Conversor de Graos a Kelvin (en castellanu)
Categoría:Unidaes de temperatura Categoría:Unidaes básiques del Sistema Internacional