Asturies, Patria querida ye l'himnu oficial del Principáu d'Asturies, según establez la Llei 1/1984 de 27 d'abril. Trátase d'un canciu popular que s'emplegaba davezu nos actos políticos, sociales y culturales de la época de la transición y d'inda enantes. Factor determinante a la hora de ser votáu como himnu d'Asturies.
Según les caberes investigaciones, paez ser que'l so orixe ta en Cuba. Ignacio Piñeiro, músicu cubanu, fizo la canción n'homenaxe al so pá que yera asturianu ya tornare a Asturies pa morrer. La música orixinal yera estremada, barrúntase que la melodía foi fecha por mineros silesianos que foron a trabayar a les mines de les Cuenques Mineres del Caudal y de Mieres nel entamu del sieglu XX.
L'himnu emplégase nos actos solemnes del gobiernu del Principáu d'Asturies y suel emplegase tamién como términu y final de munchos actos de calter cultural, musical y festivu, acostumando a interpretase y cantase tolos años nel Día de les Lletres Asturianes. Pese a esti gran usu y la dignificación que tuvo'l canciu tres de l'aprobación de la llei, hai dientro'l movimientu asturianista quienes lu siguen calificando d'escesivamente festivu y poco comprometíu cola llucha a la que teóricamente habría mover un himnu nacional.
Lletra Esisten dos versiones oficiales, una en castellanu y otra n'asturianu: AsturianuCastellanuAsturies, Patria querida, Asturies, de los mios amores ¡Ai, quién tuviere n'Asturies en toles ocasiones!
Teo de xubir al árbol, teo de coyer la flor y dá-yl'a la mio morena, que la ponga nel balcón.
Que la ponga nel balcón que la dexe de poner, teo de xubir al árbol y la flor teo de coyer.Asturias, Patria querida, Asturias de mis amores ¡quién estuviera en Asturias en todas las ocasiones!
Tengo de subir al árbol, tengo de coger la flor, y dársela a mi morena que la ponga en el balcón,
Que la ponga en el balcón, que la deje de poner, tengo de subir al árbol y la flor he de coger.
Otra versión popular, cantada en 1934 na Revolución d'Ochobre, dicía asina: AsturianuCastellanuAsturies, Tierra bravida, Asturies, de lluchadores; nun hai otra como'l mio Asturies pa les revoluciones.
Tengo que baxar a Uviéu empuñando'l mio fusil y morreme disparando contra la Guardia Civil.
Contra la Guardia Civil y los cobardes d'Asaltu; tengo que baxar a Uviéu y morreme disparando.
Los obreros, n'Asturies, demostraronel so heroísmu venciendo a la clerigalla y al feroz capitalismu.
Los de Lerroux y la CEDA son los verdugos d'España, los que roben les conquistes del obreru que trabaya.Asturias, Tierra bravía, Asturias, de luchadores; no hay otra como mi Asturias para las revoluciones.
Tengo de bajar a Oviedo empuñando mi fusil, y morirme disparando contra la Guardia Civil.
Contra la Guardia Civil y los cobardes de Asalto, tengo de bajar a Oviedo y morirme disparando.
Los obreros en Asturias demostraron su heroismo, venciendo a la clerigalla y al feroz capitalismo.
Los de Lerroux y la CEDA son los verdugos de España, los que roban las conquistas del obrero que trabaja.
Referencies
Enllaces esternos Partitura y estremaes versiones del Asturies, Patria querida
Categoría:Cultura d'Asturies Categoría:Historia contemporánea d'Asturies Categoría:Himnos Categoría:Símbolos d'Asturies