450px|right|thumb|Llingües d'Europa. El 26 de setiembre de 2001 foi proclamáu pol Conseyu d'Europa col sofitu de la Xunión Europea, el Día Européu de les Llingües (6 d'avientu de 2001). El so principal oxetivu ye fomentar el deprendimientu d'idiomes en toa Europa, tanto en mozos como en vieyos.
Oxetivos xenerales Concienciar al públicu sobre la importancia del deprendimientu d'idiomes y diversificar la gama de llingües, p'afalar el plurillingüismu y la comprensión intelectual. Promover la rica diversidá llingüística y cultural d'Europa. Fomentar el deprendimientu permanente d'idiomes dientro y fuera de les escueles.
Nesti día entámense una serie d'eventos en toa Europa, actividaes pa neños, programes de radio y televisión, clases d'idiomes y conferencies.
Acordies con una encuesta fecha en febreru de 2006, el 56% de los ciudadanos de la XE (25 Estaos miembros) falaben un idioma distintu de la so llingua materna, pero'l 44% almitía namái'l deprendimientu, usu y conocencia del idioma nativu. El 38% de la ciudadanía de la XE indicaben que saben inglés, siguíu col 14% pol alemán y el francés. L'européu multillingüe suel ser un estudiante o un titular d'un cargu direutivu.
La Xunión Europea invierte 30 millones d'euros al añu pa promover el deprendimientu d'idiomes y la diversidá llingüística, al traviés de los programes "Sócrates" y "Leonardo DaVinci", una política qu'entamó en 1990 col programa "Lingua".
Referencies
Categoría:Díes Categoría:Xunión Europea