Valeria Ciavatta ye una política sanmarinense. Foi dende'l 1 d'abril de 2014 hasta'l 1 d'ochobre de 2014 per segunda vegada escoyida Capitán Rexente de San Marín.
Biografía
Nacida nel conceyu sanmarinense de Borgo Maggiore nel añu 1959. Realizó los sos estudios primariu y secundariu na so población natal. Darréu treslladóse a Italia, onde se llicenció en Derechu pola Universidá d'Urbino, con una tesis sobre'l Derechu de familia. En rematando los sos estudios cimeros, empezó a trabayar como abogada na Oficina de Rexistru de la Propiedá na ciudá de San Marín.
Nel añu 1978 entró en política ingresando al Partíu Democráticu Cristianu Sanmarinese (PDCS), partíu nel que tuvo hasta 1990. En 1993 foi una de los miembros fundadores de l'Alianza Popular y tamién dende esi mesmu añu ye diputada del Conseyu Grande y Xeneral de San Marín (Parllamentu nacional). Ente 2001 a 2003 y ente 2012 a 2013 foi líder d'Alianza Popular nel parllamentu.
El día 1 d'ochobre de 2003 en socesión de Pier Marín Menicucci y Giovanni Giannoni, foi escoyida como Capitán Rexente de San Marín xunto a Giovanni Lonfernini, hasta la siguiente eleición el 1 d'ochobre de 2004 que pasaron a ser asocedíos por Paolo Bollini y Marín Riccardi. Dos años más tarde el 27 de xunetu de 2006, foi nomada Ministra del Interior hasta payares de 2012.
Dende'l 1 d'abril de 2014, en socesión d'Anna Maria Muccioli y Gian Carlo Capicchioni, volvió ocupar per consecutiva vegada'l cargu de Capitán Rexente de San Marín xunto a Luca Beccari.
Referencies
Enllaces esternos
Ficha nel Conseyu Grande y Xeneral
Categoría:Políticos y polítiques de San Marín Categoría:Abogaos y abogaes de San Marín Categoría:Ministros y ministres de San Marín Categoría:Xefes de gobiernu