Pedralba (oficialmente en castellán: Pedralba de la Pradería) ye un conceyu y llocalidá española de la comarca de Senabria, na provincia de Zamora, comunidá autónoma de Castiella y Llión.Pedralba na páxina de la Diputación de Zamora
Xeografía Atópase allugáu na comarca de Senabria, al noroeste de la provincia de Zamora. Nel so términu municipal atópense les llocalidaes de Calabor, Llobécianos, Pedralba, Rueidenore de Riba y Santa Cruz d'Abranes. Tien una estación de ferrocarril.
Historia Mientres la Edá Media Pedralba quedó integráu nel Reinu de Llión, que los sos monarques acometeríen la repoblación de la llocalidá dientro del procesu repoblador lleváu a cabu en Senabria. Tres la independencia de Portugal del reinu lleonés en 1143 Pedralba sufriría pola so situación xeográfica los conflictos ente los reinos lleonés y portugués pol control de la frontera, quedando estabilizada la situación a principios del sieglu XIII.
Darréu, na Edá Moderna, Pedralba foi una de les llocalidaes que s'integraron na provincia de les Tierres del Conde de Benavente y dientro d'esta na receptoría de Senabria. Sicasí, al reestructurase les provincies y crease les actuales en 1833, Pedralba pasó a formar parte de la provincia de Zamora, dientro de la Rexón Lleonesa, quedando integráu en 1834 nel partíu xudicial de La Puebla de Senabria.INE: Provincia de Zamora. Entiende esta provincia los siguientes conceyos por partíos xudiciales
Per otru llau, alredor de 1850, el conceyu de Pedralba tomó la so actual estensión territorial, al integrar nel so términu les llocalidaes de Calabor, Llobécianos, Ruidenore y Santa Cruz d'Abranes.Alteraciones de los conceyos nos Censos de Población dende 1842: Pedralba de la Pradería
Riqueza llingüística Pedralba ye un conceyu carauterizáu pola so elevada diversidá y riqueza llingüística, al tar presentes nél tres llingües romances: el castellán, el lleonés (llingua tradicional de la mayoría del conceyu) y el gallegu (llingua principal de la pedanía de Calabor); magar ye ciertu qu'estos dos últimes llingües fálense ellí nes sos respeutives variantes sanabresas y por ello amuesen una gran semeyanza ente sigo, con un porcentaxe mayoritariu de léxicu compartíu.
Demografía
Población por nucleuNomenclátor: Población del Padrón Continuo por Unidad Poblacional a 1 de xineru Nome n'asturlleonés/ galleguNome oficial Población (2016)CalaborCalabor101PedralbaPedralba de la Pradería87Santa Cruz d'AbranesSanta Cruz de Abranes36LlobécianosLobeznos36Ruidenore de RibaRihonor de Castilla32
Ver tamién Llagu de Senabria Lleenda del Llagu de Senabria Camín de Santiago Senabrés La Puebla de Senabria Samartín de Castañeda
Referencies
Enllaces esternos
de Pedralba de la Pradería
Categoría:Conceyos de Zamora Categoría:Llocalidaes de la provincia de Zamora Categoría:Wikipedia:Mantenimientu:Llocalidaes d'España ensin partíu xudicial