Monique Mercure , nacida como Émond, foi una actriz canadiana.Profile, encyclopedia.com
Biografía Mercure nació col nome de Monique Émond en Montreal, Quebec. Foi fía d'Eugene y Yvonne Emond. Dende temprana edá, les sos padres incribiéronla en clases de baille, teoría musical y clases de violonchelu. Más tarde, casóse con Pierre Mercure en 1949 y tuvieron trés fíos. Estudió música y danza, antes de probar el teatru en compañía del St. Lawrence College. En 1960 ella fizo'l so primer papel importante na sustitución d'una actriz en Die Dreigroschenoper. Foi nomada Oficial de la Orde de Canadá en 1977 y foi promovida a Compañera (Companion) en 1994. Morrió'l 16 de mayu de 2020, nun centru de cuidaos especiales n'Outremont (Montreal). Tenía 89 años y sufría de cáncanu de gargüelu.
Premios Nel Festival de Cine de Cannes de 1977, Mercure ganó'l premiu a la meyor actriz pola película J.A. Martin Photographer. Nesi mesmu año tamién ganó'l Canadian Film Award a la meyor actriz pola mesma película.
En 1978 foi nomada a la meyor actriz de repartu na 29ª edición de los Canadian Film Award pola película The Third Walker."Four films nominated for Etrogs". The Globe and Mail, 24 d'agostu de 1978.
En 1983, na cuarta edición de los Premios Genie, foi nomada a meyor actriz por La Quarantaine. Ganó un Premiu Genie a la meyor actriz de repartu en 1992 pol so papel de Fadela en Naked Lunch. En 1999, ganó otru Genie a la meyor actriz de repartu pol so papel de Grace Gallagher en Conquest.Biography , radio-canada.ca
Mercure recibió'l Premiu d'Artes Escéniques del Gobernador Xeneral polos llogros artísticos de tola vida, el Prix Denise-Pelletier, y el Prix Gascon Roux du Théâtre du Nouveau Monde. La Universidá de Toronto dio-y un doctoráu honorariu en 1998. En 2006, foi nomada miembru de la Royal Society of Canada.
Referencies
Enllaces esternos
Categoría:Actores y actrices de Canadá Categoría:Ganadores del premiu del Festival de Cannes a la meyor actriz Categoría:Persones de Montreal