María Amalia Viñas Sendic foi una inxeniera química uruguaya. Ye llargamente reconocida pol so llabor docente, investigadora y gremialista nel ámbitu académicu de la Universidá de la República.
Trayeutoria El fuerte compromisu social y políticu de Viñas ye una traza compartida por familiares, incluyendo al so tíu Raúl Sendic. Yera fía d'Alba Sendic y Aberto Viñas. Empieza la so xera docente en 1965, entá siendo estudiante y yá siendo madre, enfocando los sos estudios nel área d'Inxeniería de Procesos.
En 1975, mientres el gobiernu militar de facto exíliase primero na Xunión Soviética, onde se titula como Candidata en Ciencies Téuniques, nel Insituto Mendeléyev de Moscú, y depués en Méxicu, onde exerció como Investigadora Asociada de la Universidá Autónoma, en temátiques d'Inxeniería Ambiental. Nesta etapa realizó estudios de tratamientos d'agües en campos xeotérmicos.
María Viñas torna a Uruguái en 1985, cola restauración democrática, reintegrándose a la Universidá de la República y liderando el procesu de recuperación de la universidá, severamente afeutada mientres el periodu dictatorial. Nesti rol los sos apurras incluyeron la formación de docentes, investigadores, creación de llaboratorios, llogru d'infraestructura elemental y reconstrucción de la estructura gremial.
Mientres tola so carrera amosó una esmolición constante pola vinculación de la Universidá coles actividaes granibles del so país, apurriendo una visión crítica, holística ya innovadora.
Ente diverses temátiques académiques encetaes pola investigadora nesta etapa, destácase la so llinia d'investigación en tratamientos d'agües residuales con reactores anaerobios.
Finó'l 2 de marzu de 2003 a los 60 años.
Referencies
Categoría:Profesores d'Uruguái Categoría:Químicos y químiques d'Uruguái