Leonid Ivanovich Stadnyk (n'ucraín: Леонід Іванович Стадник; Podolyantsi, Raión de Chudniv, 5 d'agostu de 1970 − ibidem, 24 d'agostu de 2014) foi un veterinariu ucraín que aportó a reconocíu pol llibru Guinness de los récores como l'home, non americanu, más altu del mundu, con .
Pero la so negativa a ser midíu polos inspeutores del citáu llibru según la nueva normativa de midíes, más estricta, llevó a que se-y retirara l'honor en favor de Bao Xi Shun, l'anterior posesor del récor, el 20 d'agostu de 2008.Les nueves normes vuelven coronar al chinu Bao como l'home más altu Reuters Foi un veterinariu certificáu y un ciruxanu veterinariu, vivió cola so madre nel pobláu Podolyantsi, Ucraína. Pesaba alredor de . Tamién tenía'l segundu récor de tamañu de mano más grande que se rexistrara, con 31 cm de llargu.
La crecedera escesiva de Leonid empezó dempués de que-y realizaren una ciruxía cerebral a la edá de 12 años. La ciruxía foi fecha porque un tumor na hipófisis causólu hidrocefalia. Esti tumor causó que la glándula secretara grandes cantidaes de hormona de la crecedera, resultando no que los médicos describen como un gigantismo acromegálico. Anque nesa ciruxía solo -y drenaron el líquidu celebru-espinal acumuláu. Nun se realizó la estracción del tumor.
Finó'l 24 d'agostu de 2014 por cuenta d'una hemorraxa cerebral.
Ver tamién Llista de les persones más altes del mundu
Referencies
Enllaces esternos Perfil en 'The tallest man' (n'inglés) Semeya del personaxe (En rusu) Semeyes de Leonid col presidente ucraín Víktor Yúshchenko. Artículu en Associated Press (n'inglés) Leonid Stadnyk, l'home más altu del mundu
Categoría:Récores Guinness Categoría:Persones d'Ucraína Categoría:Wikipedia:Mantenimientu:Persones ensin plantía nym