2103 (MMCIII) va ser un añu normal entamáu en llunes nel calendariu gregorianu.
Fechos previstos
Fecha por determinar Va vencer la restricción de cien años que torga la esposición pública del traxe rosa de Jacqueline Bouvier Kennedy conserváu pola Alministración Nacional d'Archivos y Rexistros de los Estaos Xuníos. El conxuntu, vistíu por Jacqueline Kennedy el 22 de payares de 1963, foi donáu formalmente por Caroline Kennedy en 2003 con unes condiciones que torguen la so esposición pública hasta polo menos 2103. A partir d'esi añu, la familia Kennedy va poder autorizar la so esposición o establecer nueves condiciones d'accesu.
Fenómenos astronómicos
8 de xineru: va producise un eclís solar total, visible de forma parcial dende zones d'América del Sur, l'océanu Pacíficu, l'océanu Atlánticu y l'Antártida. 23 de xineru: va producise un eclís llunar penumbral total, nel que la Lluna va quedar completamente dientro de la penumbra de la Tierra ensin entrar na umbra. Va ser el primeru de los cuatro eclises penumbrales totales del sieglu XXII. 20 de xunu: va producise un eclís llunar penumbral. 4 de xunetu: va producise un eclís solar anular. 19 de xunetu: va producise un segundu eclís llunar penumbral. 13 d'avientu: va producise un tercer eclís llunar penumbral. 29 d'avientu: va producise un segundu eclís solar anular.
En total, en 2103 van producise siete eclises: trés solares y cuatro llunares.
Efemérides destacaes
14 d'abril: va cumplise'l centenariu de la finalización del Proyeutu Xenoma Humanu. El Consorciu Internacional pa la Secuenciación del Xenoma Humanu anunció'l 14 d'abril de 2003 la finalización del proyeutu, más de dos años primero de lo previsto. La secuencia resultante cubría alredor del 99 % de les rexones del xenoma humanu que contienen xenes, con una precisión del 99,99 %.
Referencies
Enllaces esternos
Categoría:Sieglu XXII Categoría:Años futuros