El mar de Bellingshausen ye un mar mariniegu del océanu Antárticu alcontráu al oeste de la península Antártica y al sur de la islla Pedru I, ente la islla Alexandru I (70° O), al este, y el cabu Flying Fish (102° 20' O) de la islla Thurston, al oeste, que ye la llende col mar d'Amundsen. Tien una estensión de 487.000 km², y una fondura máxima de 4,5 km. Nel so fondu alcuéntrase la llanura somarina nomada Llanura de Bellingshausen.
Foi llamáu asina n'honor al esplorador rusu d'orixe alemán Fabian Gottlieb von Bellingshausen qu'esploró la rexón nel añu 1821.
A finales del Pliocenu, hai unos 2,15 millones d'años, producióse nesti mar l'impautu del asteroide Eltanin. Ye l'únicu impautu conocíu no fondero marín nel mundu.
Nel borrador del proyeutu de la 4° edición de Limits of Oceans and Seas de la Organización Hidrográfica Internacional, comunicáu por aciu la circular CL55 del 7 de payares de 2001, propunxéronse llendes pal mar de Bellingshausen. El proyeutu final foi comunicáu'l 9 d'agostu de 2002, pero foi retiráu pa nueva revisión el 19 de setiembre de 2002 ensin qu'hasta'l momentu fuera publicáu.
Referencies
Enllaces esternos Mapa del mar de Bellingshausen pola USGS, n'inglés. Imaxe per satélite de la NASA del mar de Bellinghausen, n'inglés.
Bellingshausen Bellingshausen Bellingshausen