Flavia Maximiana Teodora foi la fiyasca de Maximiano. Los sos padres fueron Flavio Afranio Anibaliano y Eutropia, quien se divorció en 283 y casóse darréu con Maximiano. El padre de Teodora foi cónsul en 292 y prefeutu del pretorio con Diocleciano. En 293, Teodora casóse con Flavio Valerio Constancio (conocíu darréu como Constancio I), dempués de qu'ésti se divorciara de la so primer esposa, Helena, pa fortalecer la so posición política.
La pareya tuvo seis fíos: Flavio Dalmacio; Julio Constancio, padre del emperador Xulianu; Anibaliano (debió de morrer primero que se produxeren les purgues imperiales de 337, porque nun s'atopa ente les víctimes); Anastasia; Flavia Julia Constancia, esposa del emperador Licinio; Eutropia, madre de Nepociano.
Referencies
Enllaces esternos
Categoría:Nobles de la Roma antigua Categoría:Emperatrices de la Roma antigua Categoría:Dinastía constantiniana Categoría:Persones de la Roma antigua Categoría:Gens Flavia