El voivodatu (en polacu województwo; el so plural ye województwa) ye la subdivisión alministrativa de mayor rangu dientru de Polonia, equivalente a la «provincia» d'otros países. El términu tien usándose con esti sentíu de magar el sieglu XIV. La cabera reforma de l'alministración local en Polonia, que foi aprobada en 1998 y fízose efectiva'l 1 de xineru de 1999, creó 16 voivodatos. Estos sustituyeron los 49 qu'esistieran de magar 1975, y son bastante asemeyaos (en territoriu, non tanto nel nome) a los qu'esistieran ente 1950 y 1975.
Los actuales voivodatos reciben el so nome de los de les rexones, históriques o xeográfiques, nes que tán encadarmaos, mentanto que los 49 anteriores nomábense pol nome de la so ciudá principal. La so estensión va dende los 10.000 km² del más pequeñu, el d'Opole, a los más de 35.000 km² del mayor, el de Mazovia, y la so población va dende'l millón d'habitantes qu'hai nel de Lubusz a los más de cinco que hai nel de Mazovia.
L'autoridá alministrativa a nivel de voivodatu ye compartida ente un gobernador, nomáu voivoda (wojewoda), designáu pol gobiernu central, una asamblea escoyida por sufraxu popular, nomada sejmik, y un conseyu executivu (zarząd województwa) escoyíu por esa asamblea y dirixíu por un oficial, el mariscal (marszałek województwa). Los voivodatos sodivídense en condaos (powiats) y conceyos (gminas).
Los 16 voivodatos nos que ta sodividíu'l territoriu polacu anguaño son los siguientes: AbreviaturaVoivodatu Nome (polacu) EscuduSuperficie(en km²) PoblaciónLos datos correspuenden a xineru de 2003. CapitalMapa ZPPomerania OccidentalZachodniopomorskie50pxSzczecin400px PMPomeraniaPomorskie50pxGdansk LBLubuszLubuskie50pxGorzów WielkopolskiSede del voivoda.Zielona GóraSede del parllamentu o sejm. DSBaxa SilesiaDolnośląskie50pxWrocław OPOpoleOpolskie50pxOpole SLSilesiaSląskie50pxKatowice WPGran PoloniaWielkopolskie50pxPoznań KPCuyavia y PomeraniaKujawsko-Pomorskie50pxBydgoszczSede del voivoda.Toruń LDLodzŁódzkie50pxŁódź WMVarmia y MasuriaWarmińsko-Mazurskie50pxOlsztyn MZMazoviaMazowieckie50pxVarsovia PDPodlaquiaPodlaskie50pxBiałystok SKSanta CruzSwiętokrzyskie50pxKielce LULublinLubelskie50pxLublin MAPequeña PoloniaMałopolskie50pxCracovia PKSubcarpaciaPodkarpackie50pxRzeszów
Referencies
Enllaces esternos