thumb|250px|Fronteres d'Alemaña a la fin de la II Guerra Mundial (1949), el protectoráu del Sarre n'azul celeste. El protectoráu del Sarre (n'alemán: Saarprotektorat; en francés: Protectorat de Sarre) foi un territoriu d'Alemaña que tuvo baxu control francés ente los años 1947 a 1956, y que correspuende al actual estáu federáu alemán del Sarre.
Historia Antecedentes: Primer periodu de Protectoráu
Según el Tratáu de Versalles de 1919, el Sarre quedaba so gobiernu de la Sociedá de Naciones alministráu por Francia, mientres un periodu de 15 años a cuntar dende 1920, como compensación de les perdes sufríes pel país galu mientres la guerra.El Tratáu de Versalles Tres los 15 años, realízase un referendu sobre'l futuru de la rexón, onde la opción de la vuelta a Alemaña llogra'l 90% del escrutiniu, pasando a formar parte de l'Alemaña Nazi.La política xermana, 1931-1935 Historiasiglo20.org
Segundu periodu de Protectoráu Tres la Segunda Guerra Mundial, Sarre vuelve a dominiu francés dempués de la so ocupación por mandatu de Naciones Xuníes. Celebraes les primeres eleiciones tres la guerra en 1947, el parllamentu vota la unión a Francia so la figura d'un protectoráu, col nome d'Unión económica ente Francia y El Sarre».
En 1954, Francia y Alemaña alcuerden en París l'establecimientu d'un estatutu pal Sarre, definiendo la rexón como territoriu européu, con vistes a la posibilidá d'allugar la capital de les distintes comunidaes europees qu'acabaríen derivando na actual XE.
Aprobáu l'estatutu pol parllamentu, l'estatutu ye votáu en referendu, ganando la opción del Non, pese al sofitu del canciller alemán Konrad Adenauer. Debíu al fracasu de la negativa del estatutu, el Primer Ministru francés Guy Mollet y Adenauer alcuerden en Luxemburgu que Sarre vuelva formar parte d'Alemaña, produciéndose'l 1 de xineru de 1957.
Deportes El protectoráu del Sarre participó nos Xuegos Olímpicos de Ḥélsinki, y l'equipu nacional de fútbol llegó a tomar parte nes eliminatories pa la Copa Mundial de 1954, teniendo qu'enfrentase a l'Alemaña Occidental, pero nun se clasificó. Tres la incorporación a Alemaña, los sos combinaos deportivos incluyéronse dientro del conxuntu alemán.
Ver tamién Territoriu de la Cuenca del Sarre Rellaciones francu-alemanes Cronoloxía de la Unión Europea
Referencies
Enllaces esternos French proposal regarding the detachment of German industrial regions CVCE
Categoría:Estaos desapaecíos d'Europa Sarre Categoría:Zona d'ocupación francesa Categoría:Historia de Sarre Categoría:Historia d'Alemaña Categoría:Alemaña Occidental