Footix foi la mascota de la Copa Mundial de Fútbol entamada por Francia en 1998. Representa a un gallu, unu de los símbolos nacionales del país galu, coles pallabres France 98 (Francia 98) nel so pechu.
Historia El diseñu d'esti personaxe surdió tres un concursu ente les más prestixoses axencies de diseñu de Francia, ganando'l diseñu de Fabrice Pialot. Darréu realizóse una encuesta a 18.500 franceses pa ver cual sería'l nome de la mascota. Les opciones yeren Footix, Zimbo, Houpi, Gallik y Raffy, ganando con un 47% de los votos la primer opción. Estos nomes fueren escoyíos según una serie de criterios previos, anque, sobre manera, tenía de tener una fácil pronunciación y nun tener una connotación negativa en nengún de los idiomes del mundu.
La primer apaición pública d'esti gallu, que según los sos creadores tien una "personalidá fuerte y distintiva, allegre, atrevida y deportiva", producióse'l 28 de mayu de 1998, na cadena de televisión TF1. Desque diose a conocer la mascota toes los franceses sintiéronse identificaos con él. Una encuesta realizada con neños d'ente 12 y 15 años reveló qu'éstos víen na mascota del Mundial una "imaxe radiante, d'allegría y prestu, con un calter apacible y cariñoso, qu'inspira enfotu".
Ver tamién Mascota de la Copa Mundial de Fútbol
Referencies
Enllaces esternos Mascotes de la Copa Mundial de la FIFA Los oríxenes de Footix
Categoría:Copa Mundial de Fútbol de 1998 Categoría:Mascotes de la Copa Mundial de Fútbol Categoría:Mascotes Categoría:Cultura de Francia Categoría:Franceses ficticios